«وسپىرىمدەر ساقشى مەكتەبى» رەسمي ماڭدايشالىق اشىپ، جاستار مەن وسپىرىمدەردىڭ زاڭمەن تاربيەلەۋ جاڭا شەبىن قۇردى

جۋىردا، شىڭگىل اۋداندىق «وسپىرىمدەر ساقشى مەكتەبىنىڭ» ماڭدايشالىق اشۋ سالتى وتكىزىلدى. بۇل تۇتاس اۋدانداعى جاستار مەن وسپىرىمدەردى زاڭمەن تاربيەلەۋ، حاۋىپسىزدىك پراكتيكاسىن جانە ساقشى لاگەرىنىڭ مادەنيەي كەشىرمەلەرىن وزەك ەتكەن تۇڭعىش ۋنيۆەرسال امالياتتىق بازانىڭ رەسمي ىسكە قوسىلعاندىعىن كورسەتەدى. اۋداندىق قوعام حاۋىپسىزدىگى مەكەمەسىنىڭ، كوممۋنيستىك جاستار وداعى شىڭگىل اۋداندىق كوميتەتىنىڭ، اۋداندىق وقۋ-اعارتۋ مەكەمەسىنىڭ نەگىزگى جاۋاپتىلارى ماڭدايشالىق اشۋ سالتىنا قاتىناستى. شىڭگىل قالاشىعىنىڭ 1 - باستاۋىش مەكتەبىنەن كەلگەن 40 نەشە وقۋشىسى «وسپىرىمدەر ساقشى مەكتەبىنىڭ» تۇڭعىش توپتاعى قيمىلىنا قاتىناستى.

ماڭدايشالىق اسۋ سالتىندا شىڭگىل اۋداندىق قوعام حاۋىپسىزدىگى مەكەمەسى پارتكومىنىڭ ورىنباسار شۋجيى ساياسي كوميسسارى ەلشات شايسولتان ۇلى جولداس، كوممۋنيستىك جاستار وداعى شىڭگىل اۋداندىق كوميتەتىنىڭ شۋجيى ماۋ ۋيجياڭ جولداس، وقۋ ـ اعارتۋ مەكەمەسىنىڭ ورىنباسار باستىعى قىزىربەك قۇماربەك ۇلى جولداس جەكە ـ جەكە ءسوز سويلەپ مىنالاردى باسا دارىپتەدى: وسپىرىمدەر ساقشى مەكتەبى ساقشى ىستەرى ەرەكشەلىگى مەن وقۋ ـ اعارتۋدى ورگانيكالى توعىستىرىپ، باي مازمۇندى ساقشى مەكتەپتەرى قيمىلىن ورىستەتۋ ارقىلى جاستار مەن ورەندەردىڭ زاڭمەن جونگە سالۋ كوزقاراسى مەن حاۋىپسىزدىك تانىمىن ۇزدىكسىز كۇشەيتىپ، جاستار مەن ورەندەردىڭ زاڭعا قايشى قىلمىس وتكىزۋىنەن تۋ باستان ساقتانۋ جانە ونى ازايتادى. سونىمەن بىرگە، وسپىرىمدەر ساقشى مەكتەبى وتباسى مەن قوعامدى بىرگە ات سالىسۋعا جەتەكتەپ، تۇتاس قوعام جاستار مەن ورەندەرگە كوڭىل بولەتىن، قامقورلىق جاسايتىن تاماشا اۋقىم قالىپتاستىرادى. (كەلۋ قاينارى: شىڭگىل اۋداندىق قوعام حاۋىپسىزدىك مەكەمەسىنىڭ ۋيچات الەۋمەتتىك تەكشەسى).