فيليپپين ساقشىلارىنىڭ كەمەسى حۋاڭيان ارالىنىڭ ماڭىنداعى تەڭىز الابىندا ”سويقان شىعارىپ“، سوراقىلىق ىستەدى 

شينحۋا اگەنتتىگىنىڭ تىلشىلەرى گاۋ لەي، لياڭ شۇن 4 – ايدىڭ 15 – كۇنى نانحايدان حابارلايدى. ءتىلشىنىڭ جۇڭگو تەڭىز ساقشىلارى جاعىنان ۇعىسۋىنشا، فيليپپين تەڭىز ساقشىلارىنىڭ 4409 – ءنومىرلى كەمەسى 4 – ايدىڭ 14 – كۇنى حۋاڭيان ارالىنىڭ ماڭىنداعى تەڭىز الابىندا ەلىمىزدىڭ تەڭىز ساقشىلارىنىڭ جۇڭنان كەمەسىنە حاۋىپتى تۇردە جاقىنداپ، تالاي رەت ەلىمىزدىڭ كەمەسىنىڭ الدىڭعى جاعىنداعى كەمەنىڭ ءجۇزۋ جولىنان كەسىپ ءوتىپ، ”سويقان شىعارۋ“ ماقساتىندا الدىن الا دايىندالعانى بويىنشا سۋرەت تارتىپ، ەلىمىزگە جالا جاباتىن جالعان اڭگىمەنى جاساپ شىققان.

4 – ايدىڭ 14 – كۇنى تۇستەن بۇرىن، ەلىمىزدىڭ تەڭىز ساقشىلارىنىڭ جۇڭنان كەمەسى حۋاڭيان ارالىنىڭ ماڭىندا زاڭ بويىنشا شارلاۋ جۇرگىزگەن كەزدە، فيليپپيننىڭ تەڭىز ساقشىلارىنىڭ 4409 – ءنومىرلى كەمەسى الدىن الا ۇقتىرماعان جاعدايدا ەلىمىزدىڭ كەمەسىنىڭ ءجۇزۋ جولىنان 4 رەت كەسىپ وتكەن ءارى توساتتان ەلىمىزدىڭ تەڭىز ساقشىلارىنىڭ كەمەسىنە جاقىنداعان. ەلىمىزدىڭ تەڭىز ساقشىلارىنىڭ تالاي رەت ءناسيحات ايتىپ، ەسكەرتۋ بەرىپ، ەرەجە – ءتۇزىم بويىنشا شەكتەۋىندە، فيليپپين تەڭىز ساقشىلارىنىڭ كەمەسى ەلىمىزدىڭ كەمەسىنەن الىستاعان. وسىدان سوڭ، فيلليپپين شىندىقپەن ساناسپاي، دۇرىس پەن بۇرىستى شاتاستىرىپ، اقپارات تەكشەلەرىنىڭ ءۇن قوسىپ دابىرالاۋىندا، جۇرتشىلىق اڭىسىنا مۇرىندىق بولاتىن قولامتالى تاقىرىپتى جاساپ شىققان.

جۇڭگو تەڭىز ساقشىلارى جاعى مىنانى ءبىلدىردى: فيليپپيننىڭ ارەكەتى حالىقارالىق زاڭدارداعى قاتىستى بەلگىلەمەلەر مەن تەڭىزدە سوعىلىسىپ قالۋدان ساقتانۋ ەرەجەسىنە اۋىر دارەجەدە قايشى كەلەدى، حاۋىپتى ءتاسىل ارقىلى ەلىمىزدىڭ قالىپتى ءجۇزىپ بارا جاتقان ساقشىلار كەمەسىنە زاڭسىز جاقىنداپ، ەلىمىزدىڭ قىزمەتكەرلەرى مەن كەمەسىنىڭ حاۋىپسىزدىگىنە قاتەر توندىرگەن، ەلىمىز جاقتىڭ ءبىر جاقتى ەتۋى كاسىپتىك دەڭگەيدە، جۇيەلى، ۇيلەسىمدى، زاڭدى بولعان، جاۋاپكەرشىلىك تۇگەلدەي فيليپپين جاقتا. فيليپپين تەڭىز ساقشىلارى كەمەسىنىڭ سوقتىعۋى مەن ”پالە ىزدەۋىنە“ ءدوپ كەلگەندە، جۇڭگو تەڭىز ساقشىلارى اۋەلگىدەي باتىل قارسى شارا قولدانىپ، قاتىستى تەڭىز الابىنداعى باسقارۋ – تەجەۋ تەبىنىن اناعۇرلىم كۇشەيتىپ، مەملەكەتتىڭ يەلىك ۇقىعى مەن تەڭىز – مۇحيتتاعى ۇقىق – مۇددەسىن باتىل قورعاعان.

كەلۋ قاينارى: حالىق تورابى