قوعام حاۋىپسىزدىگى ورگاندارى ەكولوگيالىق ورتا مەن بيولوگيالىق جاقتاعى حاۋىپسىزدىككە زيان جەتكىزەتىن قىلمىستارعا زاڭ بويىنشا سوققى بەرەدى 

(ءتىلشى جاڭ تيانپەي) سانشي ولكەسى لينفىن قالالىق قوعام حاۋىپسىزدىگى ورگاندارى لينفىن قالاسىنداعى ءمالىم قۇرىلىس ماتەريالدارى شەكتى سەرىكتەستىگىنىڭ اۋىل شارۋاشىلىعىنا پايدالاناتىن جەردى زاڭسىز يەمدەنىپ الۋ دەلوسىن انىقتاعان، حيلۇڭجياڭ ولكەسى حاربين قالالىق قوعام حاۋىپسىزدىگى ورگاندارى گاۋ XX تىڭ قارا توپىراقتى زاڭسىز ۇرلاپ اشۋ دەلوسىن انىقتاعان، حۋبەي ولكەسى ىنشى قالالىق قوعام حاۋىپسىزدىگى ورگاندارى ياڭ X قاتارلىلاردىڭ زاڭسىز كەن اشۋ دەلوسىن انىقتاعان ... جۋىرداعى جىلداردان بەرى، قوعام حاۋىپسىزدىگى ورگاندارى مەملەكەتتىڭ جالپى تۇلعالىق حاۋىپسىزدىگى كوزقاراسىنا تاباندى بولىپ، ەكولوگيالىق ورتانى ءبۇلدىرۋ جانە بيولوگيالىق جاقتاعى حاۋىپسىزدىككە زيان جەتكىزۋ جاعىنداعى قىلمىستىق ارەكەتتەرگە زاڭ بويىنشا سوققى بەرىپ، كورىكتى جۇڭگو قۇرىلىسى حاۋىپسىزدىگىنىڭ تومەنگى شەگىن باتىل قورعاۋدا.

قوعام حاۋىپسىزدىگى مينيسترلىگى 4 – ايدىڭ 15 – كۇنى قوعام حاۋىپسىزدىگى ورگاندارىنىڭ ەكولوگياعا قاتىستى ساقشى ىستەرى قۇرىلىسىن كۇشەيتۋ جاعىنداعى مىسالداردى جانە ەكولوگيالىق ورتا مەن بيولوگيالىق جاقتاعى حاۋىپسىزدىككە زيان جەتكىزەتىن قىلمىستارعا قاتىستى تيپتىك دەلولاردى شوعىرلى جاريالاعان، وسى رەت جاريالاعان تيپتىك دەلولار مەن مىسالدار جىجياڭ ولكەسى حۋجوۋ قالاسى، فۋجيان ولكەسى شيامىن قالاسى قاتارلى جەرلەردەگى قوعام حاۋىپسىزدىگى ورگاندارىنىڭ ەكولوگيالىق ورتا حاۋىپسىزدىگىن قورعاۋدا، ەكولوگيالىق سالاداعى ساقشى ىستەرى مەحانيزمى قۇرىلىسىن جەرگىلىكتى جاعدايعا قاراي ىلگەرىلەتۋدە باستاماشىلدىقپەن جاساعان ىزدەنىستەرىن قامتىپ قالماستان، جەر – جەردەگى قوعام حاۋىپسىزدىگى ورگاندارىنىڭ ەگىستىك جەردى زاڭسىز يەمدەنىپ الۋ، زاڭسىز كەن اشۋ، تۇقىمى قۇرىپ جوعالۋعا اينالعان باعالى جابايى حايۋاناتتار مەن وسىمدىكتەرگە زيان سالۋ قاتارلى ەكولوگيالىق ورتا مەن بيولوگيالىق جاقتاعى حاۋىپسىزدىككە زيان جەتكىزەتىن قىلمىستىق دەلولارعا زاڭ بويىنشا قاتاڭ سوققى بەرۋىنە قاتىستى دەلولاردى دا قامتيدى.

قوعام حاۋىپسىزدىگى مينيسترلىگى قورشاعان ورتاداعى بايلىق قاينارى جانە ازىق – تۇلىك، ءدارى – دارمەك سالاسىنداعى قىلمىستاردى انىقتاۋ مەكەمەسىنىڭ جاۋاپتىسىنىڭ ايتۋىنشا، ەكولوگيا جانە بيولوگيالىق جاقتاعى حاۋىپسىزدىك ءىسى جوعارى ساپالى دامۋ مەن حالىقتىڭ ىرىس – قۇتىنا سايادى، اناعۇرلىم جوعارى ورەدەگى تىنىش جۇڭگو قۇرىلىسىنا سايادى. قوعام حاۋىپسىزدىگى ورگاندارى باستان – اياق ەڭ قاتاڭ تۇزىمنەن، ەڭ قاتاڭ زاڭ ارقىلى باسقارۋدان پايدالانىپ ەكولوگيالىق ورتانى قورعاۋعا تاباندى بولىپ، ەكولوگيالىق ورتاعا ساياتىن ساقشى ىستەرى مەحانيزمى قۇرىلىسىن جاپپاي ىلگەرىلەتىپ، ەكولوگيالىق بايلىقتاردى بۇلدىرەتىن جانە بيولوگيالىق جاقتاعى حاۋىپسىزدىككە زيان جەتكىزەتىن دەلولارعا اناعۇرلىم زور بەكىم جانە تەبىنمەن قاتاڭ سوققى بەرىپ، ەكولوگيالىق ورتانى قورعاۋداعى قىزىل سىزىقتى، ەكولوگيالىق ورتا ساپاسىنىڭ ەڭ تومەنگى شەگىن، بايلىق قاينارىنان پايدالانۋدىڭ ەڭ جوعارعى شەگىن بەرىك ساقتاپ، كورىكتى جۇڭگو قۇرىلىسىن جاپپاي ىلگەرىلەتۋگە، ادام مەن جاراتىلىستىق ورتا جاراسىمدى بىرگە ءومىر سۇرەتىن وسىزامانداندىرۋدى ىسكە اسىرۋعا قوعام حاۋىپسىزدىگى ورگاندارىنىڭ كۇش – قۋاتىن ارنايدى.

كەلۋ قاينارى: حالىق تورابى