سىرتقى ىستەر مينيسترلىگى ا ق ش – ندىق 3 قۇپيا قىزمەتكەرگە قۋعىن سالىنعانى جونىندە جاۋاپ قايتاردى 

4 – ايدىڭ 15 – كۇنى، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەردى قابىلداۋ ءماجىلىسىن باسقارىپ اشتى. ءبىر ءتىلشى بىلاي دەپ سۇرادى: ءبىز بۇگىن حاربين قوعام حاۋىپسىزدىگى مەكەمەسىنىڭ «سيلىقتى قۋعىنداۋ ۇقتىرۋىن» شىعارىپ، ازيا 9 – كەزەكتى قىسقى سپورت جارىسى مەزگىلىندە جارىس ينفورماتسيالارى جۇيەسى مەن حيلۇڭجياڭ ولكەسىنىڭ ءتۇيىندى ينفورماتسيالىق نەگىزدىك قۇرىلعىلارىنا ينتەرنەت ارقىلى شابۋىل جاساعان ا ق ش – نىڭ مەملەكەت حاۋىپسىزدىگى مەڭگەرمەسىنىڭ قاتىستى ادامدارىنا سيلىقتى قۋعىنداۋ سالعانىنا نازار اۋداردىق، جۇڭگو جاق بۇل جونىندە قانداي پىكىر بىلدىرەدى؟

لين جيان مىنانى ءبىلدىردى: ءبىز قاتىستى حابارعا نازار اۋداردىق، وسىنىڭ الدىندا، ءبىز جۇڭگو جاقتىڭ مايدانىن تالاي رەت ەگجەي – تەگجەيلى بايانداعانبىز. ازيا 9 – كەزەكتى قىسقى سپورت جارىسى مەزگىلىندە، ا ق ش ۇكىمەتى جارىس ينفورماتسياسى جۇيەسى مەن حيلۇڭجياڭ ولكەسىندەگى ءتۇيىندى ينفورماتسيالىق نەگىزدىك قۇرىلعىلارعا ينتەرنەت ارقىلى شابۋىل جاساعان، جۇڭگونىڭ ءتۇيىندى ينفورماتسيالارىنىڭ نەگىزدىك قۇرىلعىلارى، مەملەكەت قورعانىسى، فينانس، قوعام، ءوندىرىس جاقتارىنداعى حاۋىپسىزدىگى، سونداي – اق، ازاماتتاردىك جەكەلىك ينفورماتسيالارىنىڭ حاۋىپسىزدىگى قاتارلى جاقتاردا اۋىر قاتەر ءتوندىردى، سيپاتى توتەنشە ناشار. جۇڭگو جاق ا ق ش ۇكىمەتىنىڭ ينتەرنەت ارقىلى قاستاندىق ىستەگەن ارەكەتىن جازعىرادى.

جۇڭگو جاق ءتۇرلى تاسىلدەر ارقىلى ا ق ش – نىڭ ينتەرنەت ارقىلى جۇڭگونىڭ ءتۇيىندى نەگىزدىك قۇرىلعىلارىنا شابۋىل جاساعانىنا نازار اۋدارىپ وتىرعانىن ا ق ش جاققا بايانداعان، ءبىز ا ق ش جاقتى ينتەرنەت حاۋىپسىزدىگى ماسەلەسىندە جاۋاپكەرشىلىكتى پوزيتسيادا بولىپ، جۇڭگوعا ينتەرنەت ارقىلى شابۋىلداۋدى توقتاتۋعا، جۇڭگونى قيسىنسىز قارالاۋدى جانە جۇڭگوعا شابۋىلداۋدى توقتاتۋعا قۋزايمىز. جۇڭگو جاق جالعاستى بارلىق قاجەتتى شارالاردى قولدانىپ، ءوزىنىڭ ينتەرنەت حاۋىپسىزدىگىن قورعايدى. (باس ستانسيا ورتالىق تەلەۆيزيا ءتىلشىسى شىن ياڭ)

كەلۋ قاينارى: حالىق تورابى