بازاردى باقىلاۋ – باسقارۋ باس مەڭگەرمەسى ”كيەلى شيپاگەر“ ”كيەلى ءدارى“ قاتارلىلارعا قاتىستى بەس ءتۇرلى جارنامانى قاتاڭ تەكسەرەدى 

پارتيا ورتالىق كوميتەتى مەن مەملەكەتتىك كەڭەستىڭ تۇتىنۋدى كۇش سالا سەرپىلتۋگە قاتىستى شەشىمدەرى مەن ورنالاستىرۋلارىن دايەكتى تياناقتاندىرۋ، جۇرتشىلىقتىڭ اڭىسى شوعىرلانعان جارناما بازارىنداعى بىلىققان جاعدايدى شىنايى اداقتاۋ جانە جونگە سالۋ ءۇشىن، 2025 – جىلى 4 – ايدىڭ 14 – كۇنى، بازاردى باقىلاۋ – باسقارۋ باس مەڭگەرمەسى «جارناما بازارىنىڭ ءتارتىبىن قورعاپ، تاماشا تۇتىنۋ ورتاسىن جاراتۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەلىنەدى) باسىپ تاراتىپ، بۇكىل ەلىمىز كولەمىندە جارناما بازارىنىڭ ءتارتىبىن جونگە سالۋ قىزمەتىن ورىستەتۋدى ۇيعارعان.

«ۇقتىرۋدا» حالىق تۇرمىسىنا ساياتىن ءتۇيىندى سالالار مەن ينتەرنەتتەگى جاڭا گۇلدەنگەن مەديالارعا نازاردى شوعىرلاندىرىپ، ”ەمدەۋ، ءدارى – دارمەك، قۋاتتىق ازىق – تۇلىكتەر، ەرەكشە مەديتسينالىق ماقساتتا پايدالانىلاتىن رەتسەپتىك ازىق – تۇلىكتەر، ەمدەۋ اسپاپتارى قاتارلىلاردىڭ جارناماسى“، ”جاي ازىق – تۇلىكتەردىڭ جارناماسى“، ”فينانستىق جارناما“، ”وقۋ – اعارتۋ سالاسىنداعى كۋرستەردىڭ جارناماسى“، ”ينتەرنەتتىك جارناما“ قاتارلى 5 ءتۇرلى جاقتان 2025 – جىلعى جارنامانى باقىلاۋ – باسقارۋعا قاتىستى ءتۇيىندى مىندەتتەر ايقىندالعان، ”كيەلى شيپاگەر“، ”كيەلى ءدارى“ جارناماسى، ازىق – تۇلىك جارناماسىندا ەمدىك ونىمدىلىگىن ۇگىتتەۋ، قوردى حاۋىپسىز ساقتايتىن فينانستىق قارجى باسقارۋ ونىمدەرىنىڭ جارناماسى، كاسىپتىك ونەر كۋرسى تۇرىندەگى زاڭسىز جارنامالار، ينتەرنەتتەگى زاڭعا قايشى جارنامالار قاتارلىلاردى زاڭ بويىنشا قاتاڭ تەكسەرۋدى ۇيىمداستىرىپ، تۇتىنۋشىلاردىڭ زاڭدى ۇقىق – مۇددەسىن شىنايى قورعايدى.

كەلۋ قاينارى: حالىق تورابى