شينجياڭدا جۇلىن سۇر زاتىنىڭ قابىنۋىنىڭ ۆاكسيناسىن تولىقتاپ ەگۋ قيمىلى ەكى رەت ورىستەتىلەدى 

جۋىردا ءتىلشىنىڭ شينجياڭ ۇيعۇر اۆتونوميالى رايوندىق اۋرۋدان ساقتانۋ جانە ونى تەجەۋ ورتالىعىنان ۇعىسۋىنشا، 4 – ايدىڭ 15 – كۇنىنەن باستاپ، شينجياڭدا جۇلىن سۇر زاتىنىڭ قابىنۋىنىڭ ۆاكسيناسىن تولىقتاپ ەگۋ قيمىلى ەكى رەت وتكىزىلەدى. وسى رەتكى قيمىل اۆتونوميالى رايون بويىنشا 7 جاستان تومەنگى لايىقتى جاستاعى بالالاردى قامتيدى، تەكسەرىپ تولىقتاپ ەگۋ جانە شوعىرلى تۇردە تولىقتاپ ەگۋ تاسىلدەرىن ۇشتاستىرۋ ارقىلى نىساناداعى ادامدار شوعىرىنىڭ ”ەگۋگە تيىستىلەرىنە مۇمكىندىكتىڭ بارىنشا ەگۋدى“ ىسكە اسىرۋعا كۇش سالىنادى.

شينجياڭ ۇيعۇر اۆتونوميالى رايونىنىڭ ءبىر تۇتاس ورنالاستىرۋىنا ساي، 1 – اينالىمداعى تولىقتاپ ەگۋ 4 – ايدىڭ 15 – كۇنىنەن 5 – ايدىڭ 5 – كۇنىنە دەيىن اتقارىلادى، مەملەكەتتىڭ ۆاكسينا ەكتىرۋ ءتارتىبى بويىنشا ۆاكسينا ەكتىرمەگەن 7 جاستان تومەنگى بالالارعا ءتۇيىندى تۇردە باعىتتالادى. 2 – اينالىمدا 5 – ايدىڭ 12 – كۇنىنەن 16 – كۇنىنە دەيىن، جۇلىن سۇر زاتىنىڭ قابىنۋى ۆاكسيناسى تولىقتاپ ەگىلەدى، 2020 – جىلى 1 – ايدىڭ 1 – كۇنىنەن 2025 – جىلى 2 – ايدىڭ 28 – كۇنىنە دەيىن ومىرگە كەلگەن بارلىق بالالار، قونىستانعان ورنىنا، تۋعان جەرىنە، بۇرىن ۆاكسينا ەكتىرگەن – ەكتىرمەگەنىنە قاراماستان، تۇگەلدەي جۇلىن سۇر زاتى قابىنۋىنىڭ ۆاكسيناسىن ەكتىرۋى قاجەت.

كەلۋ قاينارى: حالىق تورابى