پروكۋراتۋرا ورگاندارى تاڭ رىنجياننىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 4 – ايدىڭ 17 – كۇنى بەيجيڭنەن بەرگەن حابارى. ءتىلشىنىڭ 4 – ايدىڭ 17 – كۇنى ەڭ جوعارى حالىق پروكۋراتۋراسىنان ۇعىسۋىنشا، اۋىل شارۋاشىلىعى جانە اۋىل – قىستاق مينيسترلىگى پارتگرۋپپاسىنىڭ بۇرىنعى شۋجيى، مينيسترى تاڭ رىنجياننىڭ پارا الۋ دەلوسىن مەملەكەتتىك باقىلاۋ – تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ كورسەتۋىمەن جيلين ولكەسى چاڭچۇن قالالىق حالىق پروكۋراتۋراسى تەكسەرىپ ايىپتاعان. تاياۋدا چاڭچۇن قالالىق حالىق پروكۋراتۋراسى چاڭچۇن قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگاندارى تەكسەرىپ ايىپتاۋ ساتىسىندا ايىپكەر تاڭ رىنجياننىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر تاڭ رىنجيان ورتالىقتىڭ قازىنا - ەكونوميكاعا باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى، ورتالىقتىڭ اۋىل - قىستاق قىزمەتىنە باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى، گۋاڭشي جۋاڭزۋ اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق حالىق ۇكىمەتىنىڭ ورىنباسار ءتوراعاسى، ورتالىقتىڭ اۋىل - قىستاق قىزمەتىنە باسشىلىق ەتۋ گرۋپپاسىنىڭ ورىنباسار باستىعى، قوسىمشا كەڭسە مەڭگەرۋشىسى، گانسۋ ولكەلىك پارتكومنىڭ ورىنباسار شۋجيى، ولكە باستىعى، اۋىل شارۋاشىلىعى جانە اۋىل – قىستاق مينيسترلىگى پارتگرۋپپاسىنىڭ شۋجيى، مينيسترى قاتارلى قىزمەت قولايلىلىعى، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە مول، زاڭ بويىنشا پارا الۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى