بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.04.18 14:59 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جياۋ چيان 4 – ايدىڭ 16 – كۇنى جەنەۆادان حابارلايدى. بىرلەسكەن مەملەكەتتەر ۇيىمىنىڭ ساۋدا جانە دامۋ ءماجىلىسىنىڭ 4 – ايدىڭ 16 – كۇنى مالىمدەمە جاريالاپ بولجام جاساۋىنشا، ساۋدا سالاسىنداعى شيەلەنىستى جاعدايدىڭ ۋشىعۋىنا جانە تۇراقسىزدىقتىڭ ارتۋىنا بايلانىستى، 2025 – جىلى دۇنيە جۇزىلىك ەكونوميكانىڭ ارتۋ قارقىنى %2.3 كە باياۋلايدى.
مالىمدەمەدە مىنالار ورتاعا قويىلعان: جۋىردان بەرى ا ق ش – نىڭ كەدەندىك باجى شارالارى قامداۋ – قاجەتسىنۋ تىزبەگىن بىلىقتىرىپ، ساۋدا – ەكونوميكا ورتاسىنىڭ بولجاۋعا بولاتىن ەرەكشەلىگىن ءبۇلدىرىپ، ساۋدا ساياساتىنىڭ تۇراقسىزدىعى كورنەكتى ارتتى، بۇل قارجىلاندىرۋ جاعىندا شەشىم قابىلداۋدى كەشەۋىلدەتۋگە، كاسىپورىنداردىڭ قىزمەتكەر قابىلداۋىن ازايتۋىنا اپارىپ سوعادى.
اتالعان قۇرىلىم مالىمەتتە بىلاي دەپ قاراعان: نەگىزىنەن بارلىق مەملەكەتتەر، وتە – موتە، دامۋ ۇستىندەگى مەملەكەتتەر مەن ەڭ ءالسىز ەكونوميكالىق تۇلعالار ەكونوميكانىڭ ارتۋ قارقىنىنىڭ باياۋلاۋىنىڭ ىقپالىنا ۇشىرايدى. كىرىسى تومەن كوپتەگەن مەملەكەتتەر سىرتقى جاقتاعى فينانس ورتاسىنىڭ ناشارلاۋى، قارىز ىستەرىنىڭ بايانسىزدىعى جانە ەل ىشىندەگى ەكونوميكانىڭ ارتۋ قارقىنىنىڭ السىرەۋى قاتارلى كوپتەگەن سىناقتارعا ۇشىرايدى. الايدا، سونىمەن بىرگە، تۇستىك ەلدەرى ساۋداسىنىڭ ارتۋ مولشەرى مەن وڭىرلىك ەكونوميكانىڭ ءبىر تۇلعالانا دامۋى دۇنيە ءجۇزى ەكونوميكاسىنا جاڭا وراي مەن توزىمدىلىك سيلايدى.
مالىمەتتە بىلاي دەلىنگەن: تۇستىك ەلدەرى ساۋداسى دۇنيە ءجۇزى ساۋداسىنىڭ ۇشتەن بىرىندەيىن ۇستايدى، جۇڭگونىڭ دامۋى تۇستىك ەلدەرى ساۋداسىنىڭ ورنىقتى ارتۋىن ۇزدىكسىز ىلگەرىلەتەدى، دۇنيە ءجۇزى بويىنشا تۇستىكتەگى ەلدەردىڭ ەكونوميكاسىنىڭ توعىسۋى كوپتەگەن دامۋ ۇستىندەگى مەملەكەتتەرگە وراي اكەلەدى.
ساۋدا جانە دامۋ ءماجىلىسىنىڭ مالىمەتىندە ءار ەلدى پىكىرلەسۋ مەن كەڭەسۋگە، وڭىرلىك جانە دۇنيە جۇزىلىك ساياساتتى سايكەستىرۋدى كۇشەيتۋگە، سەنىمدى قايتادان بەكەمدەپ، ەكونوميكانىڭ اقاۋسىز ارتۋىن ساقتاۋعا ۇندەگەن.
ساۋدا جانە دامۋ ءماجىلىسىنىڭ 3 – ايدىڭ ورتا شەنىندە جاريالاعان ساندى مالىمەتىنە قاراعاندا، 2024 – جىلى دۇنيە جۇزىلىك ساۋدا سوماسى 33 تريلليون ا ق ش دوللارىندىق جاڭا دەڭگەيگە جەتىپ، 2023 – جىلداعىمەن سالىستىرعاندا %3.7 ارتقان، الايدا، ساۋدانىڭ ارتۋ بەتالىسى 2024 – جىلدىڭ سوڭعى جارىمىندا باياۋلاي باستاعان.
كەلۋ قاينارى: حالىق تورابى
