2 جاستاعى ءسابي ابايسىزدا 40 مەتر تەرەڭدىكتەگى قۇدىققا ءتۇسىپ كەتكەن 

4 – ايدىڭ 16 – كۇنى ساعات 10 نان 45 مينۋت وتكەندە، شينجياڭ لوپ اۋداندىق قوعام حاۋىپسىزدىگى مەكەمەسى حاڭگۇي ساقشى بولىمشەسى كەنەتتەن قاراستىلىعىنداعى رايونداعى تۇرعىننىڭ 2 جاستاعى بالاسى ابايسىزدا قۇدىققا ءتۇسىپ كەتىپ، ولار: ”ساقشى جولداس، بالام قۇدىققا ءتۇسىپ كەتتى، بىزگە تەزىرەك كومەكتەسىڭىزشى ...“، — دەپ ساقشىدان كومەك سۇراعان.

مالىمەتتى تاپسىرىپ العان سوڭ، حالىق ساقشىلارى دەرەۋ ناق مايدانعا بارادى، سونىمەن بىرگە، ءوت ءوشىرۋ تاراۋلارى، ەمحانا قاتارلى ورىندارمەن شۇعىل بايلانىس جاسايدى، حالىق ساقشىلارى ناق مايدانعا بارعان سوڭ، ءسابيدىڭ قۇدىقتا تۇرعان ورنى مەن جەر بەتىنىڭ ارالىعى 40 مەتردەي بولىپ، ءسابيدىڭ دەنەسىنىڭ جارىمى باتپاققا باتىپ كەتكەنىن، تەز قۇتقارىلماسا ومىرىنە حاۋىپ تونەتىنىن بايقايدى! قۇتقارۋدى دەرەۋ ورىستەتۋ ءۇشىن، قۇتقارۋ بارىسىندا ونان ارى جارالانىپ قالۋدان ساقتانىپ، قۇتقارۋشى قىزمەتكەرلەر قۇدىقتىڭ ماڭىنداعى توپىراق، كەرپىش جانە تاستاردى تازالاپ، ءارى تىنىس الۋ قۇمىراسى ارقىلى قۇدىقتىڭ ىشىنە وتتەگىن جىبەرىپ، قۇتقارۋ سورەسىن جايادى.

قۇتقارۋ بارىسىندا قىزمەتكەرلەر قۇدىقتاعى سابيمەن ۇزدىكسىز سويلەسىپ، بالانىڭ كوڭىل – كۇيىن بايسالدىلىقپەن جۇباتادى. الايدا، قۇدىق اۋىزىنىڭ ديامەترى 40 سانتيمەترگە جەتپەيتىندىكتەن، جينالعان جۇرتتىڭ اراسىنان قۇدىققا تۇسۋگە ۇيلەسەتىن ادام شىقپايدى، جۇرت تىقىرشىپ تۇرعان ساتتە، نازىك كومەكشى ساقشى بۇپاتەم ءابدىحادىر قۇدىققا ءتۇسىپ ادام قۇتقارۋعا ءوز ەركىمەن سۇرانادى، كوپشىلىك ارقاندى بۇپاتەم ءابدىحادىردىڭ بەلىنە بايلاپ، ونى قۇدىققا تۇسىرەدى، قۇدىقتىڭ تۇبىندە اۋا سيرەك، تىنىس الۋ قيىن بولسا دا، بۇپاتەم ءابدىحادىر ومىرىنە تونگەن حاۋىپكە قاراماي، قۇدىقتىڭ تۇبىنە ءتۇسىپ، قۇدىقتىڭ تۇبىندەگى باتپاقتاعى بالانى دەرەۋ قۇشاقتاپ، ارقاندى بالانىڭ بەلىنە بايلاپ، قىزمەتتەستەرىنىڭ بالانى ارقانمەن كوتەرىپ الىپ شىعۋىنا جەتەكشىلىك ەتەدى. جەرگىلىكتى پارتكوم مەن ۇكىمەت، بالانىڭ وتباسىنداعىلار، ەمحانا قاتارلى تاراۋلاردىڭ كۇش سالا سەلبەسۋىندە، قۇدىققا تۇسكەن بالا 20 نەشە مينۋتتان سوڭ ءساتتى قۇتقارىلعان.

قازىر ءسابي ومىرىنە تونگەن قاتەردەن اراشالانعان، ەمحاناعا جەتكىزىلىپ ىشكەرىلەي ەمدەلۋدە.

كەلۋ قاينارى: حالىق تورابى