فيليپپيننىڭ قورعاۋشى كەمەلەرى جۇڭگونىڭ حۋاڭيان ارالىنا قاراستى تەڭىز الابىنا زاڭسىز سۇعاناقتىق جاساعان 

ورتالىق تەلەۆيزيا تورابىنىڭ حابارى: وڭتۇستىك شايقاس رايونىنىڭ ۋيشين تەكشەسىنىڭ حابارلاۋىنشا، وڭتۇستىك شايقاس رايونى تەڭىز ارمياسىنىڭ مالىمدەمەشى، تەڭىز ارميا داشياۋى جاۋ جىۋەيدىڭ ايتۋىنشا، 4 – ايدىڭ 20 – كۇنى فيليپپيننىڭ 36 – ءنومىرلى قورعاۋشى كەمەسى جۇڭگو ۇكىمەتىنىڭ بەكىتۋىنەن وتپەي تۇرىپ، جۇڭگونىڭ حۋاڭيان ارالىنا قاراستى تەڭىز الابىنا زاڭسىز سۇعاناقتىق جاساعان، جۇڭگو حالىق ازاتتىق ارمياسى وڭتۇستىك شايقاس رايونى تەڭىز ارمياسى اسكەري كۇشتى ۇيىمداستىرىپ، زاڭ بويىنشا وكشەلەي باقىلاۋ جۇرگىزۋ، ەسكەرتۋ بەرىپ قۋالاۋ شارالارىن اتقارعان. فيليپپين جاقتىڭ ارەكەتى جۇڭگو جاقتىڭ يەلىك ۇقىعىنا اۋىر دارەجەدە سۇعاناقتىق جاساعاندىق، جۇڭگونىڭ زاڭدارى مەن حالىقارالىق زاڭدارداعى قاتىستى بەلگىلەمەلەرگە اۋىر دارەجەدە قايشى كەلەدى. ءبىز فيليپپين جاققا ۇقىققا قول سۇعۋ جانە سوقتىعۋ ارەكەتىن دەرەۋ توقتاتۋدى قاتاڭ ەسكەرتەمىز، ويتپەگەندە، وسىدان تۋىنداعان بارلىق زارداپتى فيليپپين جاق ارقالايدى. شايقاس رايونىنداعى قوسىندار قاي – قاشان دا وسكەلەڭ ساقتىقتى ساقتاپ، مەملەكەتتىڭ يەلىك ۇقىعىنىڭ حاۋىپسىزدىگىن باتىل قورعاپ، نانحاي تەڭىزىندەگى ءوڭىردىڭ بەيبىتشىلىگى مەن ورنىقتىلىعىن باتىل قورعايدى.

كەلۋ قاينارى: حالىق تورابى