شينجياڭدا بۇل كومەك قاراجاتىنىڭ ولشەمى رەتتەلدى 

جۋىردا شينجياڭ ۇيعۇر اۆتونوميالى رايونى 2025 – جىلعى جۇمىس ۇستىندە قازا بولعان جاعدايدا ءبىر رەتتە بەرىلەتىن كومەك قاراجاتىنىڭ ولشەمىن رەتتەگەن، 2025 – جىلى 1 – ايدىڭ 1 – كۇنىنەن باستاپ اتقارىلادى.

جۇمىس ۇستىندە جارالانۋدان قامسىزداندىرۋ دەگەنىمىز جۇمىس ۇستىندە شىرعالاڭعا ۇشىراپ جارالانعان نەمەسە كاسىپتىك اۋرۋعا شالدىققان جۇمىسشى – قىزمەتكەرلەردىڭ مەديتسينالىق قۇتقارۋ مەن ەكونوميكالىق تولەم قاراجاتىنا يە بولۋىنا كەپىلدىك ەتۋ ءۇشىن دايىندالعان قامسىزداندىرۋ. جۇمىس ۇستىندە جارالانۋدان قامسىزداندىرۋعا قاتىناسقان جۇمىسشى – قىزمەتكەرلەر جۇمىس سەبەبىنەن قازا بولسا، ولاردىڭ جاقىن تۋىستارىنىڭ جۇمىس ۇستىندە جارالانۋدان قامسىزداندىرۋ قاراجاتى ەسەبىنەن ونى جەرلەۋگە قاجەتتى كومەك قاراجاتتى، تۋىس – تۋعانىن باعىپ – قاعۋعا ارنالعان قامقورلىق قاراجاتتى جانە جۇمىس ۇستىندە قازا بولعان جاعدايدا ءبىر رەتتە بەرىلەتىن كومەك قاراجاتتى الۋىنا بولادى.

بيىل 2 – ايدىڭ 28 – كۇنى، مەملەكەتتىك ساناق مەكەمەسى «جۇڭحۋا حالىق رەسپۋبليكاسىنىڭ 2024 – جىلعى حالىق شارۋاشىلىعى مەن قوعام دامۋى جونىندەگى ساناق مالىمەتىن» جاريالاعان، 2024 – جىلى ەلىمىز بويىنشا قالا – قالاشىقتاعى تۇرعىنداردىڭ مەڭگەرۋىنە بولاتىن كىرىسى 54188 يۋان بولعان. بەلگىلەمەگە نەگىزدەلگەندە: جۇمىس سەبەبىنەن قازا بولعان جاعدايدا بەرىلەتىن ءبىر رەتتىك كومەك قاراجاتى ءبىر جىل بۇرىنعى مەملەكەتتىك قالا – اۋىل تۇرعىندارىنىڭ مەڭگەرۋىنە بولاتىن ورتاشا كىرىسىنىڭ 20 ەسەسىندەي بولادى. 2025 – جىلى شينجياڭ ۇيعۇر اۆتونوميالى رايونىندا جۇمىس ۇستىندە قازا بولعان جاعدايدا بەرىلەتىن كومەك قاراجات ولشەمى بىردەي 1083760 يۋان بولىپ رەتتەلگەن، 2024 – جىلداعىمەن سالىستىرعاندا 47340 يۋان ارتتىرىلعان.

اۆتونوميالى رايوندىق قوعامدىق قامسىزداندىرۋ ورتالىعىنىڭ 2 – دارەجەلى تەكسەرۋ – زەرتتەۋ قىزمەتكەرى جاۋ ليجۇن: ”جۇمىس ۇستىندە جارالانۋدان قامسىزداندىرۋعا قاتىناسۋى قاجەت بولسا دا قاتىناسپاعان ادام ىستەتۋشى ورىندارداعى جۇمىسشى – قىزمەتكەرلەر جۇمىس ۇستىندە جارالانسا، اتالعان ادام ىستەتۋشى ورىن جۇمىس ۇستىندە جارالانۋدان قامسىزداندىرۋداعى بەلگىلەنگەن نىساندار مەن ولشەمدەر بويىنشا قاراجاتتى تولەۋى كەرەك“، — دەدى. اۆتونوميالى رايون كولەمىندەگى بارلىق كاسىپورىندار، ورگاندار مەن ءىسورىندار، الەۋمەتتىك توپتار، حالىق باسقارۋىنداعى كاسىپورىنعا جاتپايتىن ورىندار، جۇمىسشى ىستەتەتىن جەكەشە ونەركاسىپشىلەر مەن ساۋداگەرلەر قاتارلىلار تۇگەلدەي وسى ولشەم بويىنشا اتقارادى.

كەلۋ قاينارى: حالىق تورابى