قازاقستاننىڭ فلايارىستان اۋە سەرىكتەستىگى شينجياڭعا قاتىنايتىن ەكى اۋە جەلىسىن جاڭادان ارتتىردى 

انار بۇلت \ شينجياڭ گازەتىنىڭ ءتىلشىسى جاۋ يۋە حابارلايدى. قازاقستاننىڭ فلايارىستان اۋە سەرىكتەستىگىنىڭ استانادان ۇرىمجىگە توتە ۇشاتىن ۇشاعى 4 - ايدىڭ 18 - كۇنى ساعات بىردە ءۇرىمجى تيانشان حالىقارالىق اۋەجايىنىڭ سولتۇستىك تەرمينالىنا جەتتى.

فلايارىستان اۋە سەرىكتەستىگى قازاقستانداعى تۇڭعىش تومەن وزىندىك قۇندى اۋە سەرىكتەستىگى باس شتابى الماتى قالاسىنا ورنالاسقان. 4 – ايدىڭ 17 – كۇنى اتالعان سەرىكتەستىك جۇڭگو شينجياڭعا قاتىنايتىن ەكى اۋە جەلىسىن جاڭادان ارتتىرعانىن جاريالاعان، بۇل ەكى اۋە جەلىسى جەكە – جەكە استانا مەن ءۇرىمجى، الماتى مەن قۇلجا اراسىنا توتە قاتىنايتىن اۋە جەلىلەرى.

فلايارىستان اۋە سەرىكتەستىگىنىڭ استانا مەن ءۇرىمجى اراسىنداعى اۋە جولىندا 4 – ايدىڭ 13 – كۇنى تۇڭعىش رەتكى ۇشاق ءساتتى قاتىنادى. 4 – ايدىڭ 17 – كۇنى ءۇرىمجى تيانشان حالىقارالىق اۋەجايىنىڭ سولتۇستىك تەرمينالى رەسمي ىسكە قوسىلعان سوڭ، سەرىكتەستىكتىڭ الداعى بارلىق كەزەكشى ۇشاقتارى سول اراعا اۋىستىرىلادى. 5 – ايدىڭ 18 – كۇنى اتالعان سەرىكتەستىكتىڭ الماتىدان قۇلجاعا توتە قاتىنايتىن مايعا الۋ فورماسىنداعى توتە لەنياسىندا تۇڭعىش رەت ۇشاق قاتىنايدى، اپتاسىنا 2 كەزەك بولىپ، قاتىناۋ ۋاقىتى شامامەن ءبىر ساعات، قازىر ۇشاق بەلەتى ساتىلا باستاعان.

ۇعىسۋعا قاراعاندا، فلايارىستان اۋە سەرىكتەستىگىنىڭ استانا مەن ءۇرىمجى اراسىنداعى اۋە جەلىسىنە ەيرباس A320 تيپتى ۇشاعى قولدانىلادى، اپتاسىنا 2 كەزەك قاتىنايدى. FS7961 كەزەكتى ۇشاق ءار اپتانىڭ بەيسەنبى، جەكسەنى كۇندەرى 19:35 تە (سول جەردىڭ ۋاقىتى) استاناداعى نۇرسۇلتان نازاربايەۆ حالىقارالىق اۋەجايىنان ۇشىپ، كەلەسى كۇنى تاڭ ءسارى ساعات بىردە (بەيجيڭ ۋاقىتى) ءۇرىمجى تيانشان حالىقارالىق اۋەجايىنا جەتەدى، ساپارعا كەتەتىن ۋاقىت شامامەن 2.5 ساعات؛ FS7962 كەزەكشى ۇشاعى ءار اپتانىڭ دۇيسەنبى، جۇما كۇندەرى تاڭ ءسارى ساعات 2:05 تە (بەيجيڭ ۋاقىتى) ءۇرىمجى حالىقارالىق اۋەجايىنان اتتانىپ، 1:30 دە (سول جەردىڭ ۋاقىتى) استاناعا جەتەدى، قاتىناۋ ۋاقىتى شامامەن 2.5 ساعات.

كەلۋ قاينارى: حالىق تورابى