430 تال ساۋىتتى قوڭىزدى قولعا تۇسىرگەن 

جۋىردا فۋجوۋ كەدەن مەكەمەسىنە قاراستى فۋجوۋ چاڭلى اۋەجايى كەدەن بولىمشەسىنىڭ قىزمەتكەرلەرى شەكارادان كىرگەن كەزەكشى ۇشاققا باقىلاۋ – باسقارۋ جۇرگىزگەن كەزدە، ءبىر جولاۋشىنىڭ جۇكتەرىنە ماشينامەن تەكسەرۋ جۇرگىزۋ سۋرەتىنەن قالىپسىزدىقتى بايقاپ، كوپ مولشەردە سۋلياۋ قۇمىرالاردىڭ سالىنعانىنان كۇماندانعان. چەموداندى اشىپ تەكسەرگەن كەزدە، ساۋىتتى قوڭىز سالىنعان سۋلياۋ قوراپتار مەن سۋلياۋ تاجىريبە تۇتىكشەلەرىنەن 410 داناسىنىڭ سالىنعانىن كورگەن. ىسكە قاتىستى جولاۋشى ءوزىنىڭ ساۋىتتى قوڭىزدارعا قىزىعاتىنىن، ولاردى ۇيىنە الىپ قايتىپ، ەرمەك حايۋان رەتىندە باقپاقشى بولعانىن ايتقان.

”وزگەشە قوڭىزداردىڭ“ دەنەسىندە پارازيتتەر مەن اۋرۋ قاينارىندىق ميكرو ورگانيزمدەر بولۋى مۇمكىن، بۇل ادامزاتتىڭ دەنساۋلىعىنا زيان جەتكىزەدى، ونىڭ شەكارا سىرتىنداعى تۇرلەرى ەلىمىزگە ەنگىزىلسە، جەرگىلىكتى ورىنداعى ەكولوگيالىق ورتانىڭ تەپە – تەڭدىگىن ءبۇلدىرىپ، ورگانيزمدەردىڭ الۋان تۇرلىلىگىنە ىقپال جاساۋى، مەملەكەتتىڭ بيولوگيالىق جاقتاعى حاۋىپسىزدىگىنە قاتەر ءتوندىرۋى مۇمكىن. «جۇڭحۋا حالىق رەسپۋبليكاسىنىڭ بيولوگيالىق حاۋىپسىزدىك زاڭى» مەن «جۇڭحۋا حالىق رەسپۋبليكاسىنىڭ شەكارادان كىرگىزىلگەن – شىعارىلعان حايۋاناتتار مەن وسىمدىكتەردى تەكسەرۋ – كارەنتيندەۋ زاڭى»، سونداي – اق، ولاردىڭ اتقارىلاتىن ەرەجەلەرى قاتارلى زاڭ – تۇزىمدەرگە ساي، بەكىتۋدەن وتكىزبەي تۇرىپ، سىرتتان كەلگەن تۇرلەردى ءوز بەتىمەن ەنگىزۋگە بولمايدى، ءتىرى كۇيدەگى حايۋاناتتار مەن وسىمدىكتەردى الىپ ءجۇرۋ، پوچتادان سالۋ جولدارىمەن شەكارادان كىرگىزۋگە تيىم سالىنادى.

كەلۋ قاينارى: حالىق تورابى