جۇڭگو جاق جازالاۋ شاراسىن اتقارۋدى ۇيعاردى

4 – ايدىڭ 21 – كۇنى تۇستەن كەيىن، سىرتقى ىستەر مينيسترلىگى كەزەكتى تىلشىلەردى قابىلداۋ ءماجىلىسىن اشتى. ءبىر ءتىلشى ا ق ش جاقتىڭ جۇڭگونىڭ ورتالىق ۇكىمەتىنىڭ شياڭگاڭدا تۇراتىن قۇرىلىمى مەن شياڭگاڭ ەرەكشە اكىمشىلىك رايونى ۇكىمەتىندەگى باسشىلىق قىزمەتتەگى 6 قىزمەتكەرگە ”جازالاۋ شاراسىن اتقارعانى“ تۋرالى سۇراۋ سۇرادى.

سىرتقى ىستەر مينيسترلىگىنىڭ مالىمدەمەشىسى گو جياكۇن مىنانى ءبىلدىردى: ا ق ش – نىڭ جۇڭگونىڭ ورتالىق ۇكىمەتىنىڭ شياڭگاڭدا تۇراتىن قۇرىلىمدارى مەن شياڭگاڭ ەرەكشە اكىمشىلىك رايونى ۇكىمەتىندەگى باسشىلىق قىزمەتتەگى 6 قىزمەتكەرگە زاڭسىز سىڭار جاقتىلى جازالاۋ شاراسىن الباتى اتقارۋى شياڭگاڭنىڭ ىستەرىنە جانە جۇڭگونىڭ ىشكى ىستەرىنە اۋىر دارەجەدە كيلىككەندىك، حالىقارالىق زاڭداعى پرينسيپتەر مەن حالىقارالىق قارىم – قاتىناستىڭ نەگىزگى ەرەجەلەرىنە قايشى كەلەدى. جۇڭگو جاق مۇنداي سۇرقيالىق ارەكەتتى قاتاڭ جازعىرادى. «جۇڭحۋا حالىق رەسپۋبليكاسىنىڭ شەتەلدىڭ جازالاۋ شاراسىن اتقارۋىنا قارسى تۇرۋ زاڭىنداعى» قاتىستى بەلگىلەمەلەرگە ساي، جۇڭگو جاق شياڭگاڭعا ساياتىن ماسەلەلەردە سوراقىلىق ىستەگەن ا ق ش پارلامەنتىنىڭ مۇشەلەرىنە، ءمانساپتىلارىنا جانە ۇكىمەتكە جاتپايتىن ۇيىمدارىنىڭ جاۋاپتىلارىنا جازالاۋ شاراسىن اتقارۋدى ۇيعاردى. ءبىز ا ق ش جاققا مىنانى قاتاڭ ەسكەرتەمىز: شياڭگاڭ — جۇڭگونىڭ شياڭگاڭى، شياڭگاڭنىڭ ىستەرىنە ا ق ش – نىڭ كيلىگۋىنە جول بەرىلمەيدى. ا ق ش – نىڭ شياڭگاڭعا قاتىستى ماسەلەلەردە ىستەگەن ءارقانداي قاتە ارەكەتى تۇگەلدەي جۇڭگو جاقتىڭ باتىل قايتارما سوققى بەرۋىنە جانە بارابار قارسى شارا اتقارۋىنا ۇشىرايدى.

كەلۋ قاينارى: حالىق تورابى