شينجياڭدا اسكەري مىندەتتەن بوساعان اسكەريلەردىڭ جۇمىستانۋى جاعىندا قىزمەت وتەۋ ارناۋلى قيمىلى باستالدى

تيانشان تورى – شينجياڭ گازەتىنىڭ ءتىلشىسى رىن حۋا حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق اسكەري مىندەتتەن بوساعان اسكەريلەر ىستەرى مەڭگەرمەسىنەن ۇعىسۋىنشا، اۆتونوميالى رايون جۋىردا اسكەري مىندەتتەن بوساعان اسكەريلەردى جۇمىستاندىرۋ جاعىندا قىزمەت وتەۋ ارناۋلى قيمىلىن باستاپ، تۇڭعىش رەت 4 – ايدى اۆتونوميالى رايوننىڭ اسكەري مىندەتتەن بوساعان اسكەريلەردى قىزمەتكە قابىلداۋ جاعىندا قىزمەت وتەۋ ايى دەپ بەلگىلەگەن. ارناۋلى قيمىل باستالعاننان كەيىن، ءار دارەجەلى اسكەري مىندەتتەن بوساعان اسكەريلەر ىستەرى تاراۋلارى ينتەرنەت ارقىلى جانە ينتەرنەتتەن تىس تاسىلدەردى ۇشتاستىرا وتىرىپ، ءتۇرلى قىزمەتكەر قابىلداۋ قيمىلدارىن ءجيى ورىستەتىپ، ساياساتتى ءتۇسىندىرۋ، جۇمىستانۋ جاعىندا جەتەكشىلىك ەتۋ، جۇمىس ورنىن تانىستىرۋ قاتارلى مەيىرگە تولى قىزمەت وتەۋدى ورىستەتۋ ارقىلى اسكەري مىندەتتەن بوساعان اسكەريلەردىڭ جۇمىستانۋ ءورىسىن بەلسەندى تۇردە كەڭەيتىپ، جوعارى ساپالى جۇمىستانۋدى ىسكە اسىرۋعا دەم بەرەدى.

2025 – جىلعى اۆتونوميالى رايوننىڭ اسكەري مىندەتتەن بوساعان اسكەريلەردى (اسكەريلەردىڭ وتباسىنداعىلاردى) قىزمەتكە قابىلداۋ ارناۋلى قيمىلىن باستاۋ سالتى جانە بۇراتالا قالاسىنداعى ناق مايداندا قىزمەتكە قابىلداۋ قيمىلى 4 – ايدىڭ 18 – كۇنى تۇستەن بۇرىن بۇراتالا قالالىق جۇمىستاندىرۋ ورتالىعىندا وتكىزىلدى. وسى رەتكى قىزمەتكەر قابىلداۋ ارناۋلى قيمىلىندا بۇكىل شينجياڭداعى 100 نەشە ساپالى كاسىپورىن اسكەري مىندەتتەن بوساعان اسكەريلەرگە (اسكەريلەردىڭ وتباسىنداعىلارعا) 2000 نان استام جۇمىس ورنىن ازىرلەگەن. بۇل جۇمىس ورىندارى جاسىل كەن كاسىبى، ەلەكتر ينجەنەرياسى، بيولوگيالىق عىلىم – تەحنيكا، شەكارالىق ساۋدا جانە مانەرلەۋ، توقىماشىلىق جانە كيىم – كەشەك، جاڭا ەنەرگيانى قولدانۋ، مادەنيەت – ساياحات جانە ساۋىقتىرۋ، ۇكىمەت ىستەرىن باسقارۋ قاتارلىلاردى قامتيدى.

كەلۋ قاينارى: حالىق تورابى