اۋىل شارۋاشىلىعى جانە اۋىل – قىستاق مينيسترلىگى تۇقىم شارۋاشىلىعى سالاسىنداعى جالعان – جارامسىز ونىمدەرگە، ماركانى زاڭعا قايشى اۋىستىرىپ پايدالانۋ، ۇقىققا قول سۇعۋ قاتارلى زاڭعا قايشى ارەكەتتەرگە قاتاڭ سوققى بەرەدى

جۋىردا اۋىل شارۋاشىلىعى جانە اۋىل – قىستاق مينيسترلىگىنىڭ كەڭسە مەڭگەرمەسى «2025 – جىلى ەلىمىز بويىنشا تۇقىم شارۋاشىلىعى سالاسىن باقىلاۋ – باسقارۋ جانە زاڭ اتقارۋ قيمىلىنىڭ جوباسىن» باسىپ تاراتىپ، 2025 – جىلعى تۇقىم شارۋاشىلىعى سالاسىن باقىلاۋ – باسقارۋ جانە زاڭ اتقارۋ قىزمەتىن ورىستەتۋ جونىندە ورنالاستىرۋ جاساعان، تۇقىم شارۋاشىلىعى سالاسىنداعى ءبىلىم مەنشىك ۇقىعى جانە تۇقىم قاينارىنىڭ ساپاسىن جوعارىلاتۋ جاعىندا نازاردى شوعىرلاندىرىپ، ”بەلەڭ بەردى بولدى سوققى بەرۋدى“ ۇدايىلاندىرۋ سىندى باقىلاۋ – باسقارۋدى ارناۋلى جونگە سالۋ قيمىلىن شوعىرلى ورىستەتۋمەن ءوزارا ۇشتاستىرۋعا تاباندى بولىپ، مينيسترلىكتەر مەن ولكەلەر ارا بىرگە ارەكەتتەنۋدى، تاراۋلار ارا ءوزارا ۇشتاسۋدى كۇشەيتىپ، جالعان – جارامسىز ونىمدەرگە، ماركانى زاڭعا قايشى اۋىستىرىپ پايدالانۋ، ۇقىققا قول سۇعۋ قاتارلى زاڭعا قايشى ارەكەتتەرگە قاتاڭ سوققى بەرىپ، استىق قاتارلى ماڭىزدى اۋىل شارۋاشىلىعى ونىمدەرىمەن قامداۋعا كەپىلدىك ەتۋ قۋاتىن ۇزدىكسىز كۇشەيتۋ ءۇشىن تۇقىم قاينارى جاعىندا تىرەك ازىرلەيدى.

«جوبادا» مىنالار باسا دارىپتەلگەن: كوكتەم مەن كۇز ەكى ماۋسىمداعى تۇقىمنان مولىنان پايدالاناتىن مەزگىل، جاز ماۋسىمىنداعى ساپالى تۇقىم جەتىلدىرەتىن شەشۋشى كەزەڭ جانە قىس ماۋسىمىنداعى شوعىرلى مانەرلەۋ مەزگىلى قاتارلى اۋىل شارۋاشىلىعى وندىرىسىندەگى شەشۋشى مەزگىلدەردە، باقىلاۋ – باسقارۋ مەن تەكسەرۋ تەبىنىن ارتتىرۋ، تولىمسىز تۇقىمداردىڭ بازارعا كىرۋىنەن، اتىزعا سەبىلۋىنەن قاتاڭ ساقتانۋ؛ تۇقىمعا قاتىستى دەلولاردى تەكسەرىپ ءبىر جاقتى ەتۋ تەبىنىن ارتتىرىپ، مالىمدەۋ جانە اشكەرەلەۋ مەحانيزمىن كەمەلدەندىرىپ، اكىمشىلىك جاقتان زاڭ اتقارۋ مەن قىلمىستىق ىستەرگە قاتىستى ءادىليالىق قىزمەتتى ءوزارا ۇشتاستىرۋدى كۇشەيتىپ، تۇقىم شارۋاشىلىعى سالاسىنداعى زاڭعا قايشى ارەكەتتەردى قاتاڭ جازالاۋ كەرەك. تۇقىم ءتۇرىن تەكسەرىپ تۇراقتاندىرۋداعى ”ەكى ءدالىزدى“ جانە تىركەلگەن تۇقىم تۇرلەرىنە ”ەلىكتەگەن تۇقىمداردى“ اداقتاۋدى، سونداي – اق، گەنى وزگەرتىلگەن تۇقىمداردى زاڭسىز ءوندىرۋ، تيجارات ەتۋ، ينتەرنەت ارقىلى تۇقىم ساۋدالاۋ، سيىردىڭ توڭازىتىلعان سپەرماسى، تۇقىمدىق كارتوپيا، ازىقتىق ساڭىراۋقۇلاقتاردىڭ تۇقىمدىق تۇرلەرى قاتارلىلارعا ارناۋلى جونگە سالۋدى شوعىرلى ورىستەتىپ، زاڭ – تۇزىمگە قايشى ارەكەتتەر ءجيى تۋىلاتىن ءتۇيىندى سالالاردى شوعىرلى تۇردە اداقتاۋ كەرەك. تۇقىم شارۋاشىلىعى سالاسىنداعى زاڭ – ەرەجەلەر مەن تۇزىمدەر قۇرىلىسىن ۇزدىكسىز ىلگەرىلەتىپ، تۇقىمدى ءوندىرۋ، تيجارات ەتۋ رۇقساتناماسىن تەكسەرۋدى ۇزدىكسىز ورىستەتىپ، تۇقىمدى تەكسەرۋشى قۇرىلىمدارعا تەكسەرۋ – باعالاۋ جۇرگىزۋدى كۇشەيتىپ، تۇقىم شارۋاشىلىعى بازارىنا باقىلاۋ – باسقارۋ نەگىزىن بەكەمدەۋ كەرەك. (باس ستانسيا ورتالىق تەلەۆيزيا ءتىلشىسى لياڭ ليجۋان، جاڭ چي)

كەلۋ قاينارى: حالىق تورابى