ەلىمىز بويىنشا ”ۋلى گازدان ساقتانۋ ماسكىسى“ تۇرىندەگى 40 مىڭنان استام تولىمسىز بۇيىم انىقتالىپ ءبىر جاقتى ەتىلدى 

شينحۋا اگەنتتىگىنىڭ ءتىلشىسى جوۋ يۋان، ۋەي حۇڭ – ي 4 – ايدىڭ 23 – كۇنى بەيجيڭنەن حابارلايدى. ءتىلشىنىڭ 4 – ايدىڭ 23 – كۇنى مەملەكەتتىك ورتتەن ساقتانۋ – قۇتقارۋ مەڭگەرمەسىنەن ۇعىسۋىنشا، ورتتەن ساقتانۋ – ءوزىن قۇتقارۋدا قولدانىلاتىن سۇزگىلى تىنىس العىش (ادەتتە ”ۋلى گازدان ساقتانۋ ماسكىسى“ نەمەسە ”ىستان ساقتانۋ ماسكىسى“ دەپ اتالادى) اسپابىنىڭ ساپاسىنىڭ حاۋىپسىزدىگىن ارناۋلى جونگە سالۋ مەزگىلىندە، جەر – جەردە 377 رەتكى زاڭعا قايشى جاعداي انىقتالىپ ءبىر جاقتى ەتىلگەن، تولىمسىز بۇيىمداردان 42 مىڭ بۇيىمدى اۋىستىرۋعا قۋزاۋ سالىنعان.

تانىستىرۋعا قاراعاندا، 2024 – جىلى 12 – ايدان 2025 – جىلى 2 – ايعا دەيىن، مەملەكەتتىك ءورت ءوشىرۋ جانە قۇتقارۋ مەڭگەرمەسى بازاردى باقىلاۋ – باسقارۋ باس مەڭگەرمەسىمەن بىرگە ەلىمىز كولەمىندە ءورت ءوشىرۋ جانە ءوزىن قۇتقارۋدا قولدانىلاتىن سۇزگىلى تىنىس العىش اسپابىنىڭ ساپالىق حاۋىپسىزدىگىنە قاتىستى ارناۋلى جونگە سالۋدى ورىستەتۋ جونىندە ورنالاستىرۋ جاساپ، ءورت ءوشىرۋ جانە ءوزىن قۇتقارۋدا قولدانىلاتىن سۇزگىلى تىنىس العىش اسپابىنىڭ جالعان – جارامسىز نۇسقاسىن ءوندىرۋ، ساتۋ، پايدالانۋ سىندى زاڭعا قايشى ارەكەتتەردى شوعىرلى تۇردە انىقتاپ ءبىر جاقتى ەتكەن.

ارناۋلى جونگە سالۋ مەزگىلىندە، مەملەكەتتىك ءورت ءوشىرۋ جانە قۇتقارۋ مەڭگەرمەسى، بازاردى باقىلاۋ – باسقارۋ باس مەڭگەرمەسى ينتەرنەتتەگى ساۋدا - ساتتىق تەكشەلەرىندەگى ماسەلەلەردى ءبىر – بىرلەپ جونگە سالىپ، ءورت ءوشىرۋ جانە ءوزىن قۇتقارۋدا قولدانىلاتىن كىلتيپاندى سۇزگىلى تىنىس العىش اسپاپتارىن دەر كەزىندە اداقتاپ سورەدەن تۇسىرگەن، ينتەرنەتتەگى جالعانىمداردان 8000 نان استامىن توقتاتقان، كىلتيپاندى اسپاپتاردان 5581 توپتاعى اسپاپتى سورەدەن تۇسىرگەن. جەر – جەردەگى ءورت ءوشىرۋ، بازاردى باقىلاۋ – باسقارۋ تاراۋلارى باقىلاۋ – باسقارۋ جانە تەكسەرۋ قىزمەتىن شوعىرلى تۇردە ورىستەتىپ، سەنىمدىلىك ينفورماتسياسى ارقىلى جازالاپ ساقتاندىرۋ جانە ەسكەرتۋ بەرىپ، اشىق جاريالاۋدى كۇشەيتىپ، قوعام حاۋىپسىزدىگى ورگاندارىمەن بىرگە كوپ رەتكى زاڭعا قايشى قىلمىستىق دەلولاردى بىتىرگەن، سونىمەن بىرگە، جۇرتشىلىققا ءورت ءوشىرۋ اسپاپتارىنىڭ جالعانىن پارىقتاۋ ءادىسىن جالپىلاستىرىپ، ءورت ءوشىرۋ اسپاپتارىنا قاتىستى زاڭعا قايشى ارەكەتتەردى اشكەرەلەۋ جانە مالىمدەۋ ارنالارىن ىركىلىسسىزدەندىرگەن.

كەلۋ قاينارى: حالىق تورابى