شينجياڭنىڭ قازىنالىق كىرىسىنىڭ جۋىرداعى ءۇش جىلدان بەرگى ورتاشا ارتۋ قارقىنى جۇڭگودا ءبىرىنشى ورىنعا شىققان 

2022 – جىلدان بەرى، شينجياڭنىڭ قازىنالىق كىرىسى ءۇرتىس ءۇش جىل بويى ارتىپ، جەكە – جەكە وتكەن جىلدىڭ سايكەس مەرزىمىنە قاراعاندا، %16.7، %15.4 جانە %10.5 ارتقان، ورتاشا ارتۋ قارقىنى جۇڭگوداعى ءارقايسى ولكەلەر (اۆتونوميالى رايون، توتە قاراستى قالا) ىشىندە ءبىرىنشى ورىنعا شىققان. ءۇش جىلدان بەرى ارتقان كىرىسى جيىنى 80 ميلليارد يۋان (حالىق اقشاسى، تومەندە ۇقساس) بولعان.

ءتىلشى بۇل حاباردى 4 – ايدىڭ 24 – كۇنى شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى وتكىزگەن اقپار جاريالاۋ ماجىلىسىنەن ۇعىسقان.

شينجياڭ قازىنا مەڭگەرمەسىنىڭ ورىنباسار مەڭگەرمە باستىعى ليۋ ياننىڭ ايتۋىنشا، 2024 – جىلى شينجياڭدا جاي الەۋمەتتىك مەجە ەسەپ كىرىسى جيىنى 240 ميلليارد 890 ميلليون يۋان بولىپ، ءبىر جىل بۇرىنعىدان %10.5 ارتقان، ارتۋ قارقىنى ەلىمىز بويىنشا الدىڭعى ءۇشىنشى ورىندا بولعان؛ شينجياڭدا جاي الەۋمەتتىك مەجە ەسەپ شىعىسى 624 ميلليارد 40 ميلليون يۋان بولىپ، ءبىر جىل بۇرىنعىدان %3.4 ارتقان، شىعىس قۇرىلىمى اناعۇرلىم جاقسارتىلعان.

كەلۋ قاينارى: حالىق تورابى