سىرتقى ىستەر مينيسترلىگى: بارلىق قاجەتتى شارالاردى قولدانىپ، شەكارا سىرتىنداعى جۇڭگوعا قارسى كۇشتەردىڭ ءسىڭىپ كىرۋىنە، ءبۇلدىرۋ ارەكەتىن ورىستەتۋىنە قاتاڭ سوققى بەرەمىز 

شينحۋا اگەنتتىگىنىڭ ءتىلشىسى ما جويان، ليۋ ياڭ 5 – ايدىڭ 6 – كۇنى بەيجيڭنەن حابارلايدى. ا ق ش ورتالىق اقپار مەڭگەرمەسى جۋىردا الەۋمەتتىك اقپارات قۇرالدارىندا جۇڭگو تىلىندەگى كەسكىندەردى جاريالاپ، جۇڭگولىق قىزمەتكەرلەردى ولارعا ارقا سۇيەۋگە اشىقتان – اشىق ازعىرعان، شىرعالاعان، سىرتقى ىستەر مينيسترلىگىنىڭ مالىمدەمەشىسى لين جيان 5 – ايدىڭ 6 – كۇنى مىنانى ءبىلدىردى: بۇل جۇڭگونىڭ مەملەكەتتىك مۇددەسىنە اۋىر دارەجەدە سۇعاناقتىق جاساۋ، كوپە – كورنەۋ ساياسي ارانداتۋ. جۇڭگو جاق مۇنى قاتاڭ جازعىرادى، بارلىق قاجەتتى شارالاردى قولدانىپ، شەكارا سىرتىنداعى جۇڭگوعا قارسى كۇشتەردىڭ ءسىڭىپ كىرۋىنە، ءبۇلدىرۋ ارەكەتىن ورىستەتۋىنە قاتاڭ سوققى بەرەدى.

سول كۇنى وتكىزىلگەن كەزەكتى تىلشىلەردى قابىلداۋ ماجىلىسىندە ءبىر ءتىلشى بىلاي دەپ سۇرادى: 5 – ايدىڭ 1 – كۇنى ا ق ش – نىڭ ورتالىق اقپار مەڭگەرمەسى (CIA) الەۋمەتتىك اقپارات قۇرالدارىندا جۇڭگو تىلىندە ەكى كەسكىندى جاريالاعان، CIA دىڭ ءمانساپتىلارى بۇل كەسكىندى جاريالاۋداعى ماقساتى ”جۇڭگوداعى باسشىلىق قىزمەتىندەگىلەردى قابىلداپ، ماڭىزدى قۇپيالىقتارعا قول جەتكىزۋ“ ەكەنىن ايتقان. جۇڭگو جاق بۇل جونىندە قانداي جاۋاپ قايتارادى؟

لين جيان بىلاي دەدى: ۇزاق ۋاقىتتان بەرى، ا ق ش ءتۇرلى سۇرقيا تاسىلدەردى قولدانىپ، باسقا مەملەكەتتەردىڭ ماڭىزدى قۇپيالىقتارىن ۇرلاپ، باسقا مەملەكەتتەردىڭ ىشكى ىسىنە كيلىگىپ، باسقا مەملەكەتتەردىڭ بيلىگىن اۋدارماق بولدى، بۇل حالىقارالىق زاڭ مەن حالىقارالىق قارىم – قاتىناستىڭ نەگىزدىك ەرەجەلەرىنە اۋىر دارەجەدە قايشىلىق جاساعاندىق، حالىقارالىق حاۋىپسىزدىك پەن ورنىقتىلىققا اۋىر زيان جەتكىزگەندىك بولىپ تابىلادى.

لين جيان بىلاي دەدى: ”ا ق ش ورتالىق اقپار مەڭگەرمەسىنىڭ الەۋمەتتىك اقپارات قۇرالدارىندا جاريالاعان جۇڭگو تىلىندەگى كەسكىندەرى تاعى ءبىر ىسپاتى بۇلتارتقىسىز ’مويىنداۋ حاتى‘ سانالادى“. ا ق ش جاق تەك جۇڭگونى قاساقانا قارالاپ، جۇڭگوعا شابۋىلداپ قانا قويماستان، جۇڭگولىق قىزمەتكەرلەردى ولارعا ارقا سۇيەۋگە اشىقتان – اشىق ازعىرعان، شىرعالاعان، ءتىپتى تىكەلەي جۇڭگو ۇكىمەتىنىڭ باسشىلىقتاعى قىزمەتتەگىلەرىن نىساناعا العان، بۇل جۇڭگونىڭ مەملەكەتتىك مۇددەسىنە اۋىر دارەجەدە سۇعاناقتىق جاساۋ، كوپە – كورنەۋ ساياسي ارانداتۋ سانالادى.

لين جيان: ”جۇڭگو جاق مۇنى قاتاڭ جازعىرادى. جۇڭگو جاق بارلىق قاجەتتى شارالاردى قولدانىپ، شەكارا سىرتىنداعى جۇڭگوعا قارسى كۇشتەردىڭ ءسىڭىپ كىرۋىنە، ءبۇلدىرۋ ارەكەتىن ورىستەتۋىنە قاتاڭ سوققى بەرىپ، مەملەكەتتىڭ يەلىك ۇقىعىن، حاۋىپسىزدىگى مەن دامۋ مۇددەسىن باتىل قورعايدى“ دەدى.

كەلۋ قاينارى: حالىق تورابى