حالىقتىق ەكونوميكانى ىلگەرىلەتۋ زاڭى ورتاعا قويىلدى! بيىل 5 – ايدىڭ 20 – كۇنىنەن باستاپ اتقارىلادى 

4 – ايدىڭ 30 – كۇنى، 14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 15 – رەتكى ماجىلىسىندە حالىقتىق ەكونوميكانى ىلگەرىلەتۋ زاڭى داۋىس بەرۋ جولىمەن ماقۇلداندى، 2025 – جىلى 5 – ايدىڭ 20 – كۇنىنەن باستاپ اتقارىلادى. حالىقتىق ەكونوميكانى ىلگەرىلەتۋ زاڭى جيىنى 9 تاراۋدان 78 تارماقتان قۇرالادى، جالپى ەرەجە، ءادىل باسەكە، قارجىلاندىرۋ جانە قارجى قۇراۋدى ىلگەرىلەتۋ، عىلىم – تەحنيكادا جاڭالىق اشۋ، جۇيەلى تيجارات جۇرگىزۋ، قىزمەت وتەۋ جانە قامتاماسىزداندىرۋ، ۇقىق – مۇددەنى قورعاۋ، زاڭدىق جاۋاپكەرشىلىك جانە قوسىمشا ەرەجە بولىپ بولىنەدى.

ەلىمىزدىڭ حالىقتىق ەكونوميكانى دامىتۋعا ارنالعان العاشقى نەگىزدىك زاڭى سانالاتىن حالىقتىق ەكونوميكانى ىلگەرىلەتۋ زاڭى حالىقتىق ەكونوميكانى دامىتۋ ورتاسىن اناعۇرلىم جاقسارتىپ، ءتۇرلى ەكونوميكالىق ۇيىمداردىڭ بازار باسەكەسىنە ادىلدىكپەن قاتىناسۋىنا كەپىلدىك ەتىپ، حالىقتىق ەكونوميكانىڭ اقاۋسىز دامۋى مەن حالىقتىق ەكونوميكا سالاسىنداعى قايراتكەرلەردىڭ اقاۋسىز جەتىلۋىن ىلگەرىلەتىپ، جوعارى ورەدەگى سوتسياليستىك بازار شارۋاشىلىعى ءتۇزىلىسىن ورناتىپ، حالىقتىق ەكونوميكانىڭ مەملەكەت ەكونوميكاسى مەن قوعامىنىڭ دامۋىنداعى ماڭىزدى رولىن ساۋلەلەندىرەدى.

كەلۋ قاينارى: حالىق تورابى