شەكارادان شىعىپ ساياحاتتاپ، ەلگە قايتىپ كەدەننەن وتكەن كەزدە قانداي زاتتاردى الىپ جۇرۋگە بولمايدى؟ 

”1 – مامىر“ مەرەكەسىنىڭ دەمالىسى مەزگىلىندە، كوپتەگەن ادامدار شەكارادان شىعىپ ساياحاتتايدى. ەلگە قايتىپ كەدەننەن وتكەن كەزدە قانداي زاتتاردى الىپ جۇرۋگە بولمايدى؟

ولشەمنەن ارتىق زات ساتىپ الماڭىز. شەكارادان كىرەتىن تۇرعىن جولاۋشىلار وزدەرى ۇيلەسىمدى پايدالاناتىن، شەكارا سىرتىندا قول جەتكىزگەن، جالپى قۇنى 5000 يۋاننان اسپايتىن (5000 يۋاندى قامتيدى) جۇكتەر مەن زاتتاردى الىپ جۇرسە، تۇرعىن ەمەس جولاۋشىلار شەكارادان كىرۋدە شەكارا ىشىندە قالدىرىلاتىن جالپى قۇنى 2000 يۋاننان اسپايتىن (2000 يۋاندى قامتيدى) جۇكتەر مەن زاتتاردى الىپ جۇرسە، كەدەن مەكەمەسى كەدەن باجىسىن الماي وتكىزەدى. سونىمەن بىرگە، تەمەكى مەن سپيرتتى سۋسىن جوعارىداعى بەلگىلەمەگە ساي كەلۋدەن سىرت، تەمەكى جانە اراقتان باجى الۋدى كەشىرىم ەتۋدىڭ شەكتەۋلى ولشەمىنە ساي كەلۋى كەرەك.

ەستەلىك بۇيىم مەن جەرگىلىكتى ءونىم ساتىپ العاندا اباي بولىڭىز، كوپشىلىك قانىق بىلەتىن ءپىل ءتىسى، تريداكنا (بىلقىلداق دەنەلى ۇلۋدىڭ ءبىر ءتۇرى)، بيسسا (تاسباقانىڭ ءبىر ءتۇرى)، كەپكەن اتبالىق، ەتتى سۇڭعىلا قاتارلى جويىلۋعا اينالعان حايۋاناتتار مەن وسىمدىكتەر جانە ولاردان جاسالعان بۇيىمدار، سونداي – اق، «جۇڭحۋا حالىق رەسپۋبليكاسىنىڭ شەكارادان كىرگەندە الىپ جۇرۋگە، پوچتا ارقىلى شەكارادان كىرگىزۋگە تيىم سالاتىن حايۋاناتتار مەن وسىمدىكتەر جانە ولاردان جاسالعان بۇيىمدار مەن باسقا دا كارانتيندەلەتىن زاتتار تىزىمدىگىندە» ايتىلعان جاس جەمىس – جيدەك، كوكونىس، جاڭا كەسىلگەن گۇل، ءتىرى حايۋانات (ءيت پەن مىسىقتان باسقا)، حايۋاناتتان جاسالعان بۇيىم، حايۋاناتتار مەن وسىمدىكتەردە بولاتىن اۋرۋ قوزدىرعىشتار، سونداي – اق، باسقا دا زالالدى ورگانيزم، توپىراق، گەنى وزگەرتىلگەن بيولوگيالىق ماتەريال قاتارلىلاردىڭ بارلىعى شەكارادان كىرگىزۋگە جانە شىعارۋعا تيىم سالىناتىن نەمەسە شەكتەمە قويىلاتىن زاتتار بولىپ تابىلادى.

مۇنان سىرت، ءوتىنىش بەرگەن كەزدە ءوتىنىش بەرەتىن ارنانى پارىقتاي ءبىلۋ قاجەت. كەدەن مەكەمەسىنە جازباشا ءوتىنىش تاپسىرۋعا ءتيىستى بولعاندا، سونداي – اق، كەدەنگە قاتىستى زاڭ – تۇزىمدەردى انىق بىلمەگەن جاعدايدا نەمەسە ارنانى قالاي تاڭداۋدى بىلمەگەن كەزدە، ”قىزىل ءدالىزدى“ تاڭداۋ قاجەت؛ شەكارادان كىرىپ – شىعاتىن باسقا ادامداردىڭ ”جاسىل ءدالىزدى“ تاڭداۋىنا بولادى.

كەلۋ قاينارى: حالىق تورابى