سىرتقى ىستەر مينيسترلىگى: جۇڭگو جاق پەن ەۆروپا پارلامەنتى ءوزارا بارىس – كەلىس جاعىنداعى شەكتەمەلەردى ءبىر ۋاقىتتا جاپپاي كۇشىنەن قالدىرۋدى ۇيعاردى 

5 – ايدىڭ 6 – كۇنى، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەردى قابىلداۋ ءماجىلىسىن باسقارىپ اشتى. ءبىر ءتىلشى بىلاي دەپ سۇرادى: حابارعا قاراعاندا، جۇڭگو جاق ەۆروپا پارلامەنتىمەن ءوزارا بارىس – كەلىس جاعىنداعى شەكتەمەلەردى كۇشىنەن قالدىرعان، وسىنى راستاي الاسىز با؟

لين جيان مىنانى ءبىلدىردى: وتكەن بىرنەشە جىلدا، جۇڭگو مەن ەۆروپا وداعىنىڭ زاڭ جاساۋ قۇرىلىمدارى اراسىنداعى بارىس – كەلىستە كوپشىلىككە ءمالىم سەبەپتەرمەن بۇراڭدىقتار بايقالعان. قازىرگى جاعدايدا، ەكى جاق تا جۇڭگو مەن ەۆروپا وداعىنىڭ كەڭەسۋدى، سەلبەسۋدى كۇشەيتۋى توتەنشە ماڭىزدى دەپ قارايدى.

كەڭەسۋ ارقىلى ەكى جاق تا مىنانى تۇراقتاندىردى: جۇڭگو جاق پەن ەۆروپا پارلامەنتى ءوزارا بارىس – كەلىستەگى شەكتەمەلەردى ءبىر ۋاقىتتا جاپپاي كۇشىنەن قالدىرۋدى ۇيعاردى، جۇڭگو مەن ەۆروپا وداعىنىڭ زاڭ اتقارۋ قۇرىلىمدارى اراسىنداعى بارىس – كەلىستى جاپپاي قالپىنا كەلتىرۋىنە بايلانىستى ەكى جاقتىڭ اۋىس – كۇيىسى مەن تۇسىنىستىگىنىڭ اناعۇرلىم تەرەڭدەي تۇسەتىنىنە سەنىمىمىز كامىل ءارى وسىنى ءۇمىت ەتەمىز، بۇل جۇڭگو مەن ەۆروپا وداعى اراسىنداعى قارىم – قاتىناستىڭ ۇزدىكسىز اقاۋسىز دا ورنىقتى دامۋىنا تىڭ قوزعاۋشى كۇش ۇستەمەلەيدى. (باس ستانسيا ورتالىق تەلەۆيزيا ءتىلشىسى شىن ياڭ)

كەلۋ قاينارى: حالىق تورابى