”وڭدەلمەگەن ەت“ اتىن جامىلعان جالعان – ساپاسىز ەت ونىمدەرىن جونگە سالۋ ارەكەتى ورىستەتىلەدى 

جالعان – ساپاسىز ەت ونىمدەرىن جونگە سالۋ ارەكەتى ورىستەتىلەدى! ءتىلشىنىڭ 5 – ايدىڭ 7 – كۇنى بازاردى باقىلاۋ – باسقارۋ باس مەڭگەرمەسىنەن ۇعىسۋىنشا، جالعان – ساپاسىز ەت ونىمدەرىن جاساۋ – ساتۋدى جونگە سالۋ ارناۋلى ارەكەتى 4 – ايدان 12 – ايعا دەيىن ەلىمىز بويىنشا ورىستەتىلەدى، ءتۇيىندى تۇردە جالعان سيىر (قوي، ەسەك) ەتى، ”وڭدەلمەگەن ەت“، ”توڭازىتىلماعان ەت“ دەگەن اتتى جامىلعان ەت ونىمدەرىن ءبىر – بىرلەپ تەكسەرىپ جونگە سالادى.

وسى رەتكى ارناۋلى ارەكەت جالعان – ساپاسىز ەت ونىمدەرىن جاساۋ – ساتۋ سىندى كورنەكتى ماسەلەلەرگە نازاردى شوعىرلاندىرا وتىرىپ ورىستەتىلەدى: ءوندىرۋشى كاسىپورىندار مەن شاعىن شەبەرحانالاردىڭ كەلۋ قاينارى انىق بولماعان، تەكسەرۋ – كارانتيندەۋدەن وتپەگەن نەمەسە تەكسەرۋ – كارانتيندەۋدە تولىمسىز بولعان شيكىزاتتىق ەتتەردى ساتىپ الۋى جانە پايدالانۋى، سونداي – اق، باسقا حايۋاناتتاردىڭ ەتتەرىنەن پايدالانىپ، سيىر (قوي، ەسەك) ەتى ونىمدەرىن جالعاننان جاساۋ، ازىق – تۇلىك قوسپاسىن كولەمنەن ارتىق، ولشەمنەن ارتىق پايدالانۋ، ازىق – تۇلىك قوسپاسىنا جاتپايتىن زاتتاردى زاڭسىز قوسۋ، ازىق – تۇلىك ماتەريالدارى كەستەسى مەن ءىس جۇزىندە وندىرۋگە پايدالانىلعان ماتەريالدار ۇقساس بولماۋ قاتارلى ماسەلەلەر.

بازاردى باقىلاۋ – باسقارۋ باس مەڭگەرمەسى مىنانى ءبىلدىردى: قوعامنىڭ ءار سالاسىنداعىلار، اقپارات قۇرالدارى قوعامدىق باقىلاۋدى جانە اڭىستىق باقىلاۋدى كۇشەيتۋگە شابىتتاندىرىلادى، بارشا تۇتىنۋشىلار مەملەكەتتىك 12315 تەكشەسى، 12315 توتە لەنياسى ارقىلى بازاردى باقىلاۋ – باسقارۋ تاراۋلارىنا جالعان – ساپاسىز ەت ونىمدەرىن جاساۋ – ساتۋعا قاتىستى ماسەلەلەردىڭ دەرەگىن اڭىس ەتۋگە شابىتتاندىرىلادى.

كەلۋ قاينارى: حالىق تورابى