ءبىرىنشى توقساندا شينجياڭدا الەۋمەتتىك جيناق قورعا قاراجات تاپسىرۋ جانە ودان قاراجات شىعارىپ الۋ سوماسى بىردەي جوعارىلادى 

تيانشان تورى – شينجياڭ گازەتىنىڭ ءتىلشىسى ۋاڭ يايۇن حابارلايدى. 5 – ايدىڭ 7 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق تۇرعىن ءۇي جانە قالا – اۋىل قۇرىلىسى مەڭگەرمەسىنەن ۇعىسۋىنشا، ءبىرىنشى توقساندا اۆتونوميالى رايون بويىنشا تۇرعىن ءۇي جيناق قورىنا قاراجات تاپسىرۋ سوماسى مەن قوردان قاراجات شىعارۋ سوماسى سايكەستى مەزگىلدەگىدەن جەكە – جەكە %6.26 جانە %4.51 ارتىپ، تاماشا دامۋ بەتالىسىن بايقاتقان.

اۆتونوميالى رايوندىق تۇرعىن ءۇي جانە قالا – اۋىل قۇرىلىسى مەڭگەرمەسى تۇرعىن ءۇي جيناق قورىن باقىلاۋ – باسقارۋ باسقارماسىنىڭ ورىنباسار باستىعى تيان شۇيدىڭ تانىستىرۋىنشا، ءبىرىنشى توقساندا اۆتونوميالى رايون بويىنشا جيناقتالعان تۇرعىن ءۇي جيناق قورىنىڭ سوماسى 15 ميلليارد 678 ميلليون يۋان بولعان، جيناق قوردان جەكەلەردىڭ ءۇي ساتىپ الۋىنا 120996 رەتتە جيىنى 5 ميلليارد 302 ميلليون يۋان قارىز بەرىلگەن، جۇمىسشى – قىزمەتكەرلەردىڭ ءۇي ساتىپ الۋىنا بايلانىستى قاراجاتتى شىعارىپ الۋىنا قولداۋ كورسەتۋ سوماسى 12 ميلليارد 803 ميلليون يۋان بولعان. مۇندا، تۇرعىن ۇيگە قاتىستى تۇتىنۋ تۇرىندەگى قاراجات شىعارىپ الۋ سالىستىرماسىنىڭ قاراجات شىعارىپ الۋ جالپى سوماسىنان ۇستايتىن سالىستىرماسى %75.47 كە جەتكەن، تۇرعىن ۇيگە قاتىستى تۇتىنۋ تۇرىندەگى قاراجات شىعارىپ الۋ سوماسى بويىنشا ءۇرىمجى قالاسى، قاشقار ايماعى، ىلە وبلىسى الدىڭعى ءۇش ورىندا بولعان.

كەلۋ قاينارى: حالىق تورابى