جۇڭگونىڭ كونسۋلحاناسى كونسۋلدىق اۋماقتاعى جۇڭگو ازاماتتارىنا يندونەزياداعى جەر سىلكىنىسى اپاتىنىڭ زيانىنان ساقتانۋعا كوڭىل ءبولۋدى ەسكەرتتى 

ورتالىق تەلەۆيزيا تورابىنىڭ حابارى: جۇڭگونىڭ مەداندا تۇراتىن باس كونسۋلحاناسىنىڭ ۋيشين تەكشەسىنىڭ حابارلاۋىنشا، كونسۋلحانا كونسۋلدىق اۋماقتاعى جۇڭگو ازاماتتارىنا جەر سىلكىنىسى اپاتىنىڭ زيانىنان ساقتانۋعا كوڭىل ءبولۋدى ەسكەرتكەن. يندونەزيا اۋا رايى – كليمات جانە جەر شارى فيزيكاسى مەڭگەرمەسىنىڭ حابارلاۋىنشا، جەرگىلىكتى ۋاقىت بويىنشا 5 – ايدىڭ 11 – كۇنى تۇستەن كەيىن ساعات 15 تەن 57 مينۋت وتكەندە، سۋماترا ارالى ياچي ولكەسىنىڭ باتىس - وڭتۇستىگىندەگى بۋلاڭپيدي اۋدانىندا 6.2 بال جەر سىلكىنگەن، سىلكىنىس قاينارىنىڭ تەرەڭدىگى 45 كيلومەتر، كوپ جەردە سىلكىنىس ءدۇمپۋى سەزىلگەن. قاتىستى تاراۋلار قازىرشە تەڭىز شۋىلىنان ساقتانۋ دابىلىن قاقپاعان.

يندونەزيا تىنىق مۇحيتتى توڭىرەكتەگەن جەر سىلكىنىسى بەلدەۋىنە ورنالاسقان، جەر سىلكىنىسى، تەڭىز شۋىلى قاتارلى گەولوگيالىق اپاتتار ءجيى تۋىلادى. جۇڭگونىڭ مەداندا تۇراتىن باس كونسۋلحاناسى كونسۋلدىق اۋماقتاعى، وتە – موتە، ياچي ولكەسىندەگى جۇڭگو ازاماتتارى مەن كاسىپورىندارىنا ۇكىمەت جاق جاريالاعان ساقتىق دابىلىنا ءجىتى نازار اۋدارۋدى، جەر سىلكىنىسى اپاتىنان ساقتانۋعا كوڭىل ءبولۋدى، حابارلاسۋ قۇرالدارىنىڭ ىركىلىسسىزدىگىنە كەپىلدىك ەتۋدى، ءوزىن – ءوزى قۇتقارۋ ساۋاتتارىن يگەرۋدى، شۇعىل جاعدايعا توتەپ بەرۋ جاعىنداعى دايىندىقتاردى ويداعىداي ىستەۋدى، ەگەر شۇعىل جاعداي تۋىلسا، دەر كەزىندە ساقشىعا مالىمدەۋدى ءارى باس كونسۋلحانامەن حابارلاسۋدى ەسكەرتكەن.

يندونەزيانىڭ ساقشىعا مالىمدەۋ تەلەفونى: 110-62+

ەمدەۋ – شۇعىل قۇتقارۋ تەلەفونى: 118-62+

سىرتقى ىستەر مينيسترلىگىنىڭ دۇنيە جۇزىلىك كونسۋلدىق قورعاۋ جانە قىزمەت وتەۋ جاعىنداعى شۇعىل جاعدايدا كومەك سۇراۋ توتە لەنياسى: 12308-10-86+ نەمەسە 65612308- 10 -86+

مەداندا تۇراتىن باس كونسۋلدىقتىڭ قورعاۋ جانە سەلبەسۋ تەلەفونى: 82165631070-62+.

كەلۋ قاينارى: حالىق تورابى