35 ىلە جىلقىسى شيزاڭعا جول الدى

شينجياڭ گازەتىنىڭ حابارىنا قاراعاندا، 5 ـ ايدىڭ 7 ـ كۇنى جىلقى تيەلگەن 2 جۇك اۆتوكولىگى موڭعۇلكۇرە اۋدانىنان شيزاڭعا اتتانعان، 35 ىلە جىلقىسى شيزاڭ اۆتونوميالى رايوندىق ات ونەرى اترەتىنىڭ مەملەكەتتىك 13 ـ كەزەكتى از ۇلتتاردىڭ ءداستۇرلى دەنە تاربيە جارىسىنا قاتىناستىراتىن سايگۇلىگى بولادى.

2024 – جىلى 7 – ايدا، مەملەكەتتىك 12 - كەزەكتى از ۇلتتاردىڭ ءداستۇرلى دەنە تاربيە جارىسىنىڭ ات ءۇستى نىسانى ىلە قازاق اۆتونوميالى وبلىسىنىڭ موڭعۇلكۇرە اۋدانىندا وتكىزىلدى، شيزاڭ اۆتونوميالى رايونىنىڭ ات ونەرى كومانداسى ۇزدىك ناتيجەگە قول جەتكىزدى، مۇنىڭ ىشىندە 3 نىساننىڭ التىن مەدالىن الۋعا ىلە جىلقىسى كۇش شىعاردى. جارىس اياقتاعاننان كەيىن، شيزاڭ اۆتونوميالى رايونىنىڭ ات ونەرى كومانداسى موڭعۇلكۇرە اۋدانىنان تاعى دا 50 ىلە جىلقىسىن ساتىپ الدى، مۇنىڭ ىشىندە 35 جىلقى بۇدان بىلايعى ءتۇرلى ات ونەرى جارىسىنا دايىندالادى، قالعان 15 جىلقى ادەتتەگى ءمىنىس ات بولادى. ءبىرىنشى توپتاعى 15 جىلقى الدىن الا جولعا شىققان، سول كۇنى جولعا شىققان 35 جىلقى 3 كۇننەن كەيىن لىحاسا قالاسىنا جەتەدى.

كەلۋ قاينارى: حالىق تورابى