قوعام حاۋىپسىزدىگى مينيسترلىگى ”كۇنلۇن – 2025“ ارناۋلى قىزمەتىن ورىستەتۋ جونىندە ورنالاستىرۋ جاسادى 

جۇمىسشىلار گازەتىنىڭ ءتىلشىسى جوۋ چيان حابارلايدى. قوعام حاۋىپسىزدىگى مينيسترلىگى جۋىردا ۇقتىرۋ جاريالاپ، ءتۇيىندى ورىندارداعى قوعام حاۋىپسىزدىگى ورگاندارىن ”كۇنلۇن – 2025“ ارناۋلى قىزمەتىن ورىستەتۋگە ۇيىمداستىرىپ، ازىق – تۇلىك جانە ءدارى – دارمەك، ءبىلىم مەنشىك ۇقىعى سالالارىنداعى كورنەكتى قىلمىستارعا زاڭ بويىنشا قاتاڭ سوققى بەرۋ، كورىكتى جۇڭگونى پارمەندى تۇردە قورعاپ، حالىق تۇرمىسىنىڭ حاۋىپسىزدىگىنە كەپىلدىك ەتىپ، جوعارى ساپالى دامۋعا قىزمەت وتەۋ جونىندە ورنالاستىرۋ جاساعان.

بۇل رەتكى ارناۋلى ارەكەت بارىسىندا، سوققى بەرۋدىڭ نايزا ۇشىن جۇرتشىلىقتىڭ اڭىسى ەڭ كۇشتى بولعان، قوعامدىق زالالى ەڭ اۋىر بولعان كورنەكتى قىلمىستارعا كەزەپ، كاسىپتىك دەڭگەيدە، ۇيىمدىق فورمادا سوققى بەرىپ، ”تۇتاس بارىس، بارلىق فاكتور، تۇتاس تىزبەك“ بويىنشا ىشكەرىلەي سوققى بەرۋدى ورىستەتەدى. ۇزىن تىزبەكتى، ءوڭىر اتتاعان، كاسىپ سالالانعان كورنەكتى قىلمىستىق ارەكەتتەرگە توپتىق سوققى بەرىپ، ءبىر توپ كاسىپتىك قىلمىستىق توپتاردى باتىل جويىپ، ءوڭىر اتتاعان قىلمىستىق تىزبەكتەردىڭ ءبىر توبىن الاستايدى. ءتۇيىندى وڭىرلەردە، سالالاردا شايقاستار ورىستەتۋدى ۇيىمداستىرىپ، قىلمىستار شوعىرلانعان سالالاردا ارناۋلى تاقىرىپتىق جونگە سالۋدى ىشكەرىلەي ورىستەتىپ، سوققى بەرۋدىڭ باعىتتامالىلىعىن، ناقتى ونىمدىلىگىن ۇزدىكسىز جوعارىلاتادى.

كەلۋ قاينارى: حالىق تورابى