تەمپەراتۋرا جوعارىلادى! ەڭبەكاقىڭىزعا مىناداي ءبىر اقشا قوسىلادى

وسى اپتادا حۋاڭحى، حۋايحى وزەنىنىڭ ورتا، باتىس بولەگى، سولتۇستىك جۇڭگونىڭ وڭتۇستىك بولەگى جانە شانشي ولكەسىنىڭ گۋانجۇڭ ءوڭىرى قاتارلى كوپ جەرلەردە تەمپەراتۋرا جوعارىلايدى. 5 – ايدىڭ 16 – كۇنىنەن 17 – كۇنىنە دەيىن حىبەي، حىنان، سانشي، شانشي، شاندۇڭ قاتارلى جەرلەردە ءبىرشاما كەڭ كولەمدە 35 سەلتسي گرادۋستان اساتىن جوعارى تەمپەراتۋرالى اۋا رايى جارىققا شىعادى. ءىشىنارا جەرلەردە 37 سەلتسي گرادۋستان اسادى، ءتىپتى 40 سەلتسي گرادۋسقا تايايدى نەمەسە جەتەدى.

تەمپەراتۋرانىڭ ورلەۋىنە بايلانىستى ەڭبەكاقىڭىزعا اقشا قوسىلاتىن بولادى، جوعارى تەمپەراتۋرا قوسىمشا قاراجاتى باستاپ بەرىلەتىن بولدى، ولاي بولسا قانداي ادامداردىڭ الۋىنا بولاتىندىعىن كورەلىك.

جوعارى تەمپەراتۋرا قوسىمشا قاراجاتى تۋرالى

«ىستىقتان ساقتانۋ، تەمپەراتۋرانى تومەندەتۋ شارالارىن باسقارۋ ءادىسىنىڭ» 17-تارماعىنداعى بەلگىلەمەگە ساي، ەڭبەكشىلەر جوعارى تەمپەراتۋرادا جۇمىس ىستەسە، زاڭ بويىنشا جۇمىس ورنى قوسىمشا قاراجاتىنان يگىلىكتەنەدى. ادام ىستەتەتىن ورىندار ەڭبەكشىلەردى 35 سەلتسي گرادۋستان جوعارى تەمپەراتۋرادا دالادا جۇمىس ىستەۋگە ورنالاستىرسا، سونداي – اق ءونىمدى شارالار قولدانىپ، قىزمەت ورنىنىڭ تەمپەراتۋراسىن 33 سەلتسي گرادۋستان تومەندەتپەسە، ەڭبەكشىلەرگە جوعارى تەمپەراتۋرا قوسىمشا قاراجاتىن بەرۋى ءارى ەڭبەكاقى جالپى سوماسىنا ەنگىزۋى كەرەك.

بىلايشا ايتقاندا، جوعارى تەمپەراتۋرادا سىرتتا جۇمىس ىستەگەندە جوعارى تەمپەراتۋرا قوسىمشا قاراجاتىنان يگىلىكتەنۋدەن سىرت، اشىق ەمەس جەردە جۇمىس ىستەيتىن ەڭبەكشىلەردىڭ ەگەر ادام ىستەتەتىن ورىندار ءونىمدى شارالار قولدانىپ، قىزمەت ورنىنىڭ تەمپەراتۋراسىن 33 سەلتسي گرادۋستان تومەن تۇسىرە الماسا، جوعارى تەمپەراتۋرا قوسىمشا قاراجاتىنان يگىلىكتەنەدى.

قازىر 31 ولكەنىڭ جوعارى تەمپەراتۋرا قوسىمشا قاراجات ولشەمى 100 يۋاننان 300 يۋانعا دەيىنگى ارالىقتا.

جوعارى تەمپەراتۋرالى اۋا رايىنىڭ تەمپەراتۋرا ساندى مالىمەتى نەنى ولشەم ەتەدى؟

ايماق، قالا دارەجەلىدەن جوعارى اۋا رايىن باسقارۋشى تاراۋلارعا قاراستى اۋا رايى ستانسيالارى جاريالاعان كۇندىك اۋا تەمپەراتۋراسى ەڭ جوعارى بولعاندا 40 سەلتسي گرادۋستان اسقاندا، ەڭبەكشىلەردى دالادا جۇمىس ىستەۋگە ورنالاستىرۋدى توقتاتادى؛ كۇندىك ەڭ جوعارى تەمپەراتۋرا 37 سەلتسي گرادۋستان جوعارى، 40 سەلتسي گرادۋستان تومەن بولعاندا، ەڭبەكشىلەردى دالادا جۇمىس ىستەۋگە ورنالاستىرۋ ۋاقىتى 6 ساعاتتان اسسا بولمايدى، ەڭبەكشىلەردى سول كۇنگى اۋا تەمپەراتۋراسى ەڭ جوعارى بولاتىن 3 ساعات ىشىندە دالادا جۇمىس ىستەۋگە ورنالاستىرماۋى كەرەك؛

كۇندىك ەڭ جوعارى تەمپەراتۋرا 35 سەلتسي گرادۋستان جوعارى، 37 سەلتسي گرادۋستان تومەن بولعاندا، كەزەكتەسىپ دەمالىس بەرۋ قاتارلى تاسىلدەردى قولدانىپ، ەڭبەكشىلەردىڭ جالعاستى جۇمىس ىستەۋ ۋاقىتىن قىسقارتۋ ءارى دالادا جۇمىس ىستەيتىن ەڭبەكشىلەردى ۇستەمە جۇمىس ىستەۋگە ورنالاستىرماۋ كەرەك؛

جوعارى تەمپەراتۋرالى اۋا رايىندا جۇمىس ىستەۋگە ۇيلەسپەيتىن ەڭبەكشىلەردىڭ جۇمىس ورنىن رەتتەۋ كەرەك.

جۇكتى بولعان جۇمىسشى - قىزمەتكەرلەر مەن ازامات جاسىنا تولماعان جۇمىسشىلاردى 35 سەلتسي گرادۋستان اساتىن جوعارى تەمپەراتۋرادا دالادا جۇمىس ىستەۋگە جانە 33 سەلتسي گرادۋستان جوعارى قىزمەت ورنىندا جۇمىس ىستەۋگە ورنالاستىرۋعا بولمايدى.

ەسكەرتۋ: جوعارى تەمپەراتۋرا قوسىمشا قاراجاتى جوعارى تەمپەراتۋرالى جۇمىس ورنىندا ىستىقتان ساقتانۋ، سالقىنداتۋ سۋسىندىعىنىڭ ورنىن باسا المايدى، ىستىقتان ساقتانۋ، تەمپەراتۋرانى تومەندەتۋ، سالقىنداتۋ سۋسىندىقتارىن جوعارى تەمپەراتۋرا قوسىمشا قاراجاتىنا دولايلاستىرۋعا دا بولمايدى. جوعارى تەمپەراتۋرالى اۋا رايى سەبەبىنەن جۇمىس توقتاتۋعا، جۇمىس ۋاقىتىن قىسقارتۋعا بولا ەڭبەكشىلەردىڭ ەڭبەكاقى مامىلەسىن تارتىپ قالۋعا نەمەسە تومەندەتۋگە بولمايدى. جوعارى تەمپەراتۋرا قوسىمشا قاراجاتى ىستىقتان ساقتانۋ، تەمپەراتۋرانى تومەندەتۋ قاراجاتى ەمەس.

كەلۋ قاينارى: حالىق تورابى