وسى اپتادا شينجياڭ بيىلعى تۇڭعىش رەتكى جوعارى تەمپەراتۋرالى اۋا رايىن قارسى الادى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (5 – ايدىڭ 12 – كۇنىنەن 18 – كۇنىنە دەيىن) بۇكىل شينجياڭدا ءبىر رەت جاۋىن ـ شاشىن بولادى، ءبىر رەت تەمپەرتۋرا جوعارىلايدى، باسىم كوپ ساندى رايونداردا 35 سەلتسي گرادۋستان اسقان جوعارى تەمپەراتۋرالى اۋا رايى جارىققا شىعادى، ءىشىنارا جەرلەردە ەڭ جوعارى تەمپەراتۋرا 37 سەلتسي گرادۋستان اسادى. بۇل شينجياڭدا بيىل كوكتەمنەن بەرگى تۇڭعىش رەتكى تەمپەراتۋرانىڭ جوعارىلاۋى. وسى رەتكى جوعارى تەمپەراتۋرالى اۋا رايىنان كەيىن، شينجياڭنىڭ التاي ايماعىنان، تارباعاتاي ايماعىنان سىرت، باسىم كوپ ساندى رايوندارىندا جاز كەلدى دەۋگە بولادى.

شينجياڭ اۋا رايى ستانسياسى مىنانى ەسكەرتتى: بوران، قۇمدى بوران، ءىشىنارا جەرلەردەگى كۇشتى كونۆەكسيالىق اۋا رايى، تاۋلى رايونداردىڭ ءىشىنارا جەرلەرىندەگى قار ەرۋ تيپىندەگى تاسقىن، نوسەرلى جاڭبىر، تاۋ كوشكىنى، لاي تاسقىنى قاتارلى گەولوگيالىق اپاتتاردىڭ ءتيىمسىز ىقپالىنان ءتۇيىندى تۇردە ساقتانۋ كەرەك.

مەجەمەن 5 – ايدىڭ 12 – كۇنى تۇننەن 15 – كۇنى كۇندىزگە دەيىن قاشقار ايماعى، قىزىلسۋ قىرعىز اۆتونوميالى وبلىسى، حوتان ايماعىنىڭ تاۋلى رايونى، اقسۋ ايماعىنىڭ تاۋلى رايونى، بايىنعولىن موڭعۇل اۆتونوميالى وبلىسىنىڭ وڭتۇستىك تاۋلى رايونى جانە ىلە اڭعارىنداعى تاۋلى رايون، سانجى حۇيزۋ اۆتونوميالى وبلىسىنىڭ تاۋلى رايونى، بايىنعولىن وبلىسىنىڭ سولتۇستىك تاۋلى رايونى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، ءىشىنارا وڭىرىندە نوسەر جاۋادى، جوعارىدا ايتىلعان ءىشىنارا وڭىرلەر مەن شىعىس شينجياڭدا باتىس سولتۇستىكتەن 5 بال اينالاسىندا جەل سوعادى، جەل وتتەرىندە 8 دە 9 بالعا جەتەدى، مەزەتتىك جەل كۇشى 10 بال بولادى؛ وڭتۇستىك شينجياڭداعى ويپاتتاردىڭ ورتا، شىعىس بولەگىندە قيىس شىعىستان 6 بال اينالاسىندا بوران سوعادى، مەزەتتىك جەل كۇشى 7 دە 8 بالعا جەتەدى، وڭتۇستىك شينجياڭداعى ويپاتتاردىڭ ءىشىنارا وڭىرلەرىندە تۇرلىشە دارەجەدە قۇمدى بوران سوعادى.

5 - ايدىڭ 16 - كۇنى كۇندىزدەن 19 - كۇنى كۇندىزگە دەيىن تيانشاننىڭ سولتۇستىك بوكتەرى، وڭتۇستىك شينجياڭ، شىعىس شينجياڭ قاتارلى جەرلەردىڭ جازىق وڭىرلەرىندە 35 سەلتسي گرادۋستان اسقان جوعارى تەمپەراتۋرا جارىققا شىعادى. مۇنىڭ ىشىندە بۇراتالا موڭعۇل اۆتونوميالى وبلىسىنىڭ شىعىس بولەگى، قارامايلى قالاسى، شىحىزى قالاسىنىڭ سولتۇستىك بولەگى، ءۇرىمجى قالاسىنىڭ سولتۇستىك بولەگى، سانجى وبلىسى، اقسۋ ايماعىنىڭ شىعىس بولەگى، بايىنعولىن وبلىسىنىڭ وڭتۇستىك بولەگى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە ەڭ جوعارى تەمپەراتۋرا 37 سەلتسي گرادۋستان اسادى، تۇرپان قالاسىنىڭ ءىىشنارا جەرلەرىندە 40 سەلتسي گرادۋستان اسادى.

شينجياڭ اۋىل شارۋاشىلىق اۋا رايى ستانسياسى مىنانى ەسكەرتەدى: وسى اپتادا اۋا رايى شارت - جاعدايى بۇكىل شينجياڭنىڭ باسىم كوپ ساندى رايوندارىنىڭ ەگىن، مال شارۋاشىلىق وندىرىسىنە ءبىرشاما ءتيىمدى بولعانىمەن، قۇمدى بوران وڭتۇستىك شينجياڭنىڭ اۋىل شارۋاشىلىق رايوندارىندا كوكتەمگى ەگىس مايساسىنىڭ وسۋىنە جانە ورمان جەمىستەرىنىڭ گۇل اشىپ، جەمىس بەرۋىنە ءسال ىقپال جاسايدى، جاۋىن - شاشىنى كوپ اۋىل شارۋاشىلىق رايوندارىندا دەر كەزىندە توپىراق قوپسىتىپ، توپىراقتى بوساتىپ، جەر تەمپەراتۋراسىن جوعارىلاتىپ، مايسانىڭ ەرتە ءوسۋىن جەبەۋ كەرەك. بۇدان سىرت، ەگىنشىلىك رايوندارىندا داقىلداردىڭ دەرت - دەربەزىن باقىلاۋ جانە جان - جاقتى ساقتانۋ قىزمەتىن دە جاقسى ىستەۋ كەرەك.

كەلۋ قاينارى: حالىق تورابى