شينجياڭدا 15 ءتۇرلى شارانى اتقارۋ ارقىلى ساياحات بازارىن باقىلاۋ – باسقارۋ كۇشەيتىلەدى 

جۇمىسشىلار جۋرنالىنىڭ ءتىلشىسى ۋ دوسى حابارلايدى. جۋىردا شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسى 15 ءتۇرلى شارانى ورتاعا قويىپ، الدىن – الا باقىلاۋدى كۇشەيتۋ، باعانى انىق بەلگىلەپ، ونى تياناقتاندىرۋدى مىقتى ۇستاۋ قاتارلى جاقتاردان ساياحاتتىق تۇتىنۋ ورتاسىن اناعۇرلىم جاقسارتقان.

الدىن – الا باقىلاۋدى كۇشەيتۋ، تيجارات ارەكەتىن ارناعا ءتۇسىرۋ جاقتارىندا، ساياحات سالاسىنداعى جاتىن ورىن ازىرلەۋ، اس – سۋمەن قامداۋ جاعىندا قىزمەت وتەيتىن تيجاراتشىلاردى ساياحاتتىڭ قاۋىرت كەزەڭىندە باعا ولشەمى، ءتيىمدى ساياساتتار، قىزمەت وتەۋ ساپاسى قاتارلى مازمۇندار جونىندە ايقىن ۋادە بەرۋگە ءارى كورىنىس رايونىنىڭ تورابى جانە ەلەكتروندىق ەكران، كاسىپورىننىڭ تورابى، قىزمەت وتەۋ تەرەزەسى، دۇكەننىڭ تەكشەسى قاتارلى ورىنداردا دەر كەزىندە اشىق جاريالاۋعا جەتەلەيدى. باعانى انىق بەلگىلەۋ جانە ونى اتقارۋ جاعىندا، جاڭادان اشىلعان ساياحات بازارىنداعى تيجارات نەگىزگى تۇلعالارىنىڭ باعانى انىق بەلگىلەۋ تالاپتارىن اتقارۋىنا ءبىر – بىرلەپ جەتەكشىلىك ەتىپ، ارناعا ءتۇسىرۋدى جانە جەتەكشىلىك ەتۋدى ويداعىداي ىستەيدى. قازىر بار ساياحات بازارىنداعى تيجارات نەگىزگى تۇلعالارىنىڭ باعانى انىق بەلگىلەۋ جونىندەگى بەلگىلەمەلەردى تياناقتاندىرۋ جاعدايىنا جاپپاي شارلاپ تەكسەرۋ جۇرگىزەدى.

كەلۋ قاينارى: حالىق تورابى