شينجياڭ ۇيلەنۋگە تىزىمدەلۋدى بۇكىل ەل بويىنشا ءبىرتۇتاس ءبىتىرۋدى جۇزەگە اسىردى

شينجياڭ گازەتىنىڭ حابارى (ءتىلشى لي لين). 5 ـ ايدىڭ 10 ـ كۇنى جاڭادان وزگەرىس ەنگىزىلگەن «ۇيلەنۋگە تىزىمدەلۋ ەرەجەسى» رەسمي اتقارىلدى، شينجياڭ بۇكىل ەلمەن بىرگە ۇيلەنۋگە تىزىمدەلۋدى ”بۇكىل ەل بويىنشا ءبىرتۇتاس ءبىتىرۋدى“ جولعا قويىپ، نوپوس شەكتەمەسىن كۇشىنەن قالدىردى، ۇيلەنۋشىلەردىڭ ازاماتتىق كۋالىگىن الىپ بۇكىل ەلدەگى ءارقانداي ۇيلەنۋگە تىزىمدەۋ ورگانىنا بارىپ ۇيلەنۋگە تىزىمدەلۋىنە بولادى.

5 – ايدىڭ 12 – كۇنى — جاڭادان وزگەرىس ەنگىزىلگەن «ۇيلەنۋگە تىزىمدەلۋ ەرەجەسىنىڭ» شينجياڭدا اتقارىلعان تۇڭعىش قىزمەت كۇنى، تۇتاس شينجياڭداعى ۇيلەنۋگە تىزىمدەلۋ ورگاندارى جيىنى 943 جۇپ جاس جۇبايعا تىزىمدەۋ جۇمىسىن ءبىتىردى، مۇنىڭ ىشىندە 71 جۇپ ”مەملەكەت بويىنشا ءبىرتۇتاس ءبىتىرۋ“ بويىنشا ءبىتىردى. ءۇرىمجى قالاسى تيانشان رايونى ۇيلەنۋگە تىزىمدەلۋ ورنىندا گانسۋدان كەلگەن حۇي مىرزا قالىڭدىعىمەن ۇيلەنۋگە تىزىمدەلۋ جۇمىسىن نەبارى ون نەشە مينۋتتا ءبىتىرىپ الدى. ”اۋىلعا قايتىپ ءجۇرۋدىڭ، نوپوس داپتەرىن اكەلۋدىڭ قاجەتى جوق بولدى، ازاماتتىق كۋالىك پەن قاتىستى ماتەريالداردى اكەلىپ عانا ءبىتىرىپ الدىم، وتە قولايلى بولدى!“ دەدى حۇي مىرزا.

ساياساتتىڭ تياناقتانۋىنا كەپىلدىك ەتۋ ءۇشىن، شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسى قىزمەتكەرلەردى جۇيەلى تاربيەلەۋدى الدىن الا ورىستەتىپ، ۇيلەنۋگە تىزىمدەلۋ جۇيەسىن جوعارىلاتتى، تىزىمدەۋ بارىسىندا قىزمەتكەرلەر ەكى جاقتىڭ ۇيلەنۋ تىلەگىن سۇراستىرۋ ارقىلى ىسكە قاتىستى ەكى جاقتىڭ اكە ـ شەشەسىن كۋالىك تاراتۋ سالتىنا قاتىناسۋعا ۇسىنىس ەتۋگە شابىتتاندىرىپ، ۇيلەنۋگە، وتباسىنا جەتەكشىلىك ەتۋ قاتارلى حالىققا قولايلى قىزمەت وتەپ، جاس جۇبايلاردىڭ ۇيلەنۋ جونىندە دۇرىس كوزقاراس ورناتۋىنا دەم بەردى. كەلەسى قادامدا شينجياڭ حالىق ىستەرى تاراۋلارى قىزمەت وتەۋدى ۇزدىكسىز ساپالىلاندىرىپ، تىزىمگە الۋدىڭ قولايلىلىعى مەن قىزمەت وتەۋ مەيىرىن جوعارىلاتادى.

كەلۋ قاينارى: حالىق تورابى