بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.05.16 13:35 كەلۋ قاينارى : حالىق تورابى
جۇڭگو اۋا رايى تورابىنىڭ ساقتىق ينفورماتسياسىنا نەگىزدەلگەندە، 5 – ايدىڭ 15 - كۇنى ساعات 15 تەن 49 مينۋت وتكەندە، شينجياڭ اۋا رايى ستانسياسى بيىلعى تۇڭعىش جوعارى تەمپەراتۋرادان ساقتانۋدىڭ ساقتىق سيگنالىن جاريالادى.
بۇل كەزەكتى جوعارى تەمپەراتۋرادان ساقتانۋدىڭ سيگنالى سارى ءتۇستى بولىپ، سيگنالعا قاراعاندا، 5 – ايدىڭ 15 – كۇنى كۇندىزدەن 18 - كۇنى كۇندىزگە دەيىن (وڭتۇستىك شينجياڭدا، شىعىس شينجياڭدا 5 – ايدىڭ 19 – كۇنىنە دەيىن جالعاسادى)، تيانشاننىڭ سولتۇستىك بوكتەرى، وڭتۇستىك شينجياڭ، شىعىس شينجياڭ قاتارلى ورىنداردىڭ جازىق رايوندارىندا 35 گرادۋستان اساتىن جوعارى تەمپەراتۋرا جارىققا شىعادى، مۇنىڭ ىشىندە بۇراتالا وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسىنىڭ سولتۇستىك بولەگى، ءۇرىمجى قالاسىنىڭ سولتۇستىك بولەگى، سانجى وبلىسى، اقسۋ ايماعىنىڭ شىعىس بولەگى، بايىنعولىن وبلىسىنىڭ وڭتۇستىك بولەگى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىنىڭ ەڭ جوعارى تەمپەراتۋراسى 37 سەلتسي گرادۋستان اسادى، تۇرپان قالاسىنىڭ، قۇمىل قالاسىنىڭ وڭتۇستىك بولەگىندەگى ءىشىنارا جەرلەردىڭ تەمپەراتۋراسى 40 سەلتسي گرادۋستان اسادى.
شينجياڭ ارناۋلى اۋا رايى قىزمەت وتەۋ تورابىنىڭ بۇكىل شينجياڭداعى ساقتىق ينفورماتسياسىن تەكسەرىپ كورۋىنشە، بۇل شينجياڭ اۋا رايى ستانسياسىنىڭ بيىل تۇڭعىش رەت جاريالاعان جوعارى تەمپەراتۋرادان ساقتانۋدىڭ ساقتىق سيگنالى بولىپ، بىلتىرعى تۇڭعىش جوعارى تەمپەراتۋرادان ساقتانۋدىڭ ساقتىق سيگنالىمەن ءبىر كۇندە بولعان.
5 – ايدىڭ 16 – كۇنى ساعات 16 مولشەرىنە دەيىن، شينجياڭداعى جوعارى تەمپەراتۋرادان ساقتانۋدىڭ ساقتىق سيگنالى 10عا جەتكەن، تۇرپان قالاسى، قۇمىل قالاسى، شىحىزى قالاسى، سانجى وبلىسى جانە وعان قاراستى اۋدان، قالالار قاتارلى جەرلەردىڭ اۋا رايى ستانسيالارى ىلگەرىندى ـ كەيىندى جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جاريالادى.
اۋا رايى تاراۋلارى مىنانى ەسكەرتتى: الداعى بىرنەشە كۇندە جوڭعار ويپاتى، تارىم ويپاتى، شىعىس شينجياڭ قاتارلى جەرلەردىڭ ءىشىنارا وڭىرلەرىندە جوعارى تەمپەراتۋرالى اۋا رايى جارىققا شىعادى، ءورت كەتۋ حاۋىپى كۇشتى اۋا رايى دارەجەسى جوعارى بولادى، ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل ءبولۋ كەرەك.
كەلۋ قاينارى: حالىق تورابى
