جۇڭگو برازيليا، ارگەنتينا، چيلي، پەرۋ، ۋرۋگۆايدىڭ جاي پاسپورتى بار ادامدارىنا ۆيزاسىز قاتىناۋ ساياساتىن سىناق رەتىندە اتقارادى

شينحۋا اگەنتتىگىنىڭ 5 - ايدىڭ 15 - كۇنى، بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى لين جيان 5 - ايدىڭ 15 - كۇنى كەزەكتى تىلشىلەر جينالىسىندا بىلاي دەدى: جۇڭگولىقتار مەن شەتەلدىكتەردىڭ بارىس - كەلىسىنە اناعۇرلىم قولايلىلىق جاراتۋ ءۇشىن، جۇڭگو جاق ۆيزاسىز مەملەكەت كولەمىن كەڭەيتۋدى ۇيعاردى، 2025 - جىلى 6 - ايدىڭ 1 - كۇنىنەن 2026 - جىلى 5 - ايدىڭ 31 - كۇنىنە دەيىن برازيليا، ارگەنتينا، چيلي، پەرۋ، ۋرۋگۆايدىڭ جاي پاسپورتى بار ادامدارىنا ۆيزاسىز قاتىناۋ ساياساتىن سىناق رەتىندە اتقارادى.

لين جيان بىلاي دەپ تانىستىردى: جوعارىدا ايتىلعان 5 ەلدىڭ جاي پاسپورتى بار ادامدارى جۇڭگوعا كەلىپ ساۋدامەن شۇعىلدانسا، ساياحاتتاسا، تۋىس ـ تۋعان، دوس ـ جاراندارىنا امانداسا كەلسە، اۋىس ـ كۇيىس جاساپ، ساپاردا بولسا، شەكارادان كىرگەن ۋاقىتى 30 كۇننەن اسپايتىن بولسا ۆيزا اشتىرماي شەكارادان كىرۋىنە بولادى. جۇڭگو جوعارى دەڭگەيدە سىرتقا ەسىك اشۋعا تاباندى بولىپ، اناعۇرلىم كوپ شارالار شىعارىپ، جۇڭگولىقتار مەن شەتەلدىكتەردىڭ بارىس ـ كەلىسىنىڭ قولايلىلانۋ دەڭگەيىن ۇزدىكسىز جوعارىلاتادى.

”ءبىز ءتىپتى دە كوپ شەتەلدىك دوستاردىڭ جۇڭگوعا ۆيزاسىز كىرۋ جانە ۆيزا اشتىرۋىنا قولايلىلىق جاساۋ ساياساتىنان ويداعىداي پايدالانىپ، جۇڭگونى كوبىرەك ارالاپ، الۋان ءتۇرلى، جالىندى، ومىرشەڭ جۇڭگونى سەزىنۋىن قارسى الامىز“ دەدى لين جيان.

كەلۋ قاينارى: حالىق تورابى