ەلىمىزدىڭ انلگيادا تۇراتىن ەلشىلىگى جاۋاپ قايتاردى: بۇل قالىپتى كونسۋلدىق ەسكەرتۋ

وسىنىڭ الدىندا ەلىمىزدىڭ انگليادا تۇراتىن ەلشىلىگى حابار جاريالاپ، انگليادا تۇراتىن جۇڭگو ازاماتتارىنا حاۋىپسىزدىككە ساياتىن ساقتىقتى شىنايى كۇشەيتۋدى ەسكەرتكەن، انلگيادا تۇراتىن ەلشىلىكتىڭ اقپارات مالىمدەمەشىسى 5 – ايدىڭ 14 – كۇنى شينحۋا اگەنتتىگىنىڭ ءتىلشىسىنىڭ سۇحباتىن قابىلداعان كەزدە ايتۋىنشا، بۇل قالىپتى كونسۋلدىق ەسكەرتۋ سانالادى.

مالىمدەمەشىنىڭ ايتۋىنشا، قازىر انگلياداعى جۇڭگولىق وقۋشىلاردىڭ سانى 200 مىڭنان اسادى، جۋىردان بەرى تەلەكومنان پايدالانعان الدامكوستەردەن تەلەفون كەلۋ جانە جۇڭگولىق وقۋشىلاردىڭ ۋاقىتشا دەرەكسىز كەتۋى قاتارلىلارعا بايلانىستى ەلشىلىككە تەلەفون سوعىپ كومەك سۇرايتىنداردىڭ سانى ءبىرشاما ارتقان. ۋاقىتشا حابارلاسا الماۋ جاعدايى، كوبىنەسە، ۋاقىت پارقىنا بايلانىستى وتباسىنداعىلاردىڭ تەلەفونىن دەر كەزىندە قابىلداي الماۋدان، كۇندىز ديسسەرتاتسيا جازىپ، كەشتە ۇيىقتاۋ قاتارلى سەبەپتەرمەن وتباسىنداعىلارعا دەر كەزىندە تەلەفون قايتارماۋدان، مۇنان سىرت، سىرتقا شىعىپ ساياحاتتاعانىن وتباسىنداعىلارعا ايتۋدى قالاماۋ نەمەسە وتباسىنداعىلارمەن ارازداسىپ قالعان سوڭ حابارلاسۋدان باس تارتۋ قاتارلى سەبەپتەردەن تۋىنداعان، تەلەكومنان پايدالانعان الدامكوستىككە ۇشىراۋ سەبەبىنەن بايلانىس ءۇزىلۋ قاتارلى جاعدايلار دا ءبىرشاما ءجيى ۇشىرايدى، وسىنداي جاعدايلارعا بايلانىستى ولاردىڭ وتباسىنداعىلار مەن دوستارى ولاردىڭ دەرەكسىز كەتكەنىن نەمەسە ولارمەن بايلانىس جاساي الماعانىن ايتىپ ەلشىلىكتەن، كونسۋلدىقتان تەلەفون ارقىلى كومەك سۇرايتىن جاعداي ارتقان.

مالىمدەمەشى مىنانى اتاپ كورسەتتى: ەلشىلىك كوپشىلىك كوڭىل ءبولىپ وتىرعان ماسەلەلەر جونىندە دەر كەزىندە مالىمەت جاريالاپ، انگليادا وقىپ جاتقان جۇڭگولىق وقۋشىلارعا بايلانىستىڭ ىركىلىسسىزدىگىن ساقتاۋدى جانە وتباسىنداعىلارمەن، دوستارىمەن حابارلاسىپ تۇرۋدى، ساپارعا شىعۋ قاتارلى جوسپارلارى بولسا الدىن الا ايتىپ قويۋدى، تەلەكومنان پايدالانعان الدامكوستەردەن ساقتانۋدى، حاۋىپسىزدىككە ساياتىن قاجەتتى ساقتىق تانىمى مەن قابىلەتىن كۇشەيتىپ، الىستاعى ەل ىشىندەگى تۋىس – تۋعاندارى مەن دوس – جاراندارىن الاڭداتپاۋدى ەسكەرتكەن.

كەلۋ قاينارى: حالىق تورابى