رەسمي قاتىنادى! ساپار ۋاقىتى 58 مينۋت قىسقاردى 

قۇمىل قالاسىنىڭ تۇرعىنى جاڭ يان 5 – ايدىڭ 15 – كۇنى ءۇرىمجى پويەز بەكەتىندەگى پويەز كۇتۋ زالىندا تىلشىگە: ”ءار ايدا ءۇرىمجى مەن قۇمىل اراسىندا كەمىندە 8 رەت بارىپ - كەلەمىن، ءبىر بەكەتتىك توتە قاتىنايتىن پويەزدىڭ ىسكە قوسىلۋى جولعا كەتەتىن ۋاقىتتى قىسقارتتى، جۇمىس ءبىتىرۋ ونىمدىلىگى دە ەداۋىر جوعارىلادى“ دەدى.

سول كۇنى ساعات 17 دەن 06 مينۋت وتكەندە، D8808 كەزەكتى ”جاراسىمدىلىق ءنومىرلى“ موتورلى ۆاگوندار قۇراماسىنىڭ ءۇرىمجى پويەز بەكەتىنەن جولعا شىعۋىنا بايلانىستى، ءۇرىمجى مەن قۇمىل اراسىنداعى ”ءبىر بەكەتتىك“ جولاۋشىلار پويەزى رەسمي قاتىنادى. سونىمەن، ءۇرىمجى مەن شينجياڭداعى 7 ءتۇيىندى قالا اراسىندا ”ءبىر بەكەتتىك پويەز“ قاتىناۋ ىسكە اسىرىلىپ، ءوڭىردىڭ ەكونوميكاسىنىڭ كوركەيىپ – گۇلدەنۋىنە، دامۋىنا ونان ارى دەم بەردى.

ءۇرىمجى مەن قۇمىل اراسىندا قاتىنايتىن ءبىر بەكەتتىك ”جاراسىمدىلىق ءنومىرلى“ موتورلى ۆاگوندار قۇراماسى — تەمىر جول تاراۋلارىنىڭ جىلدام قاتىناس شەڭبەرىن ىشكەرىلەي قۇرۋ جاعىنداعى تاعى ءبىر پارمەندى شاراسى، اتالعان پويەزدىڭ ءبىر باعىتتا قاتىناۋىنا كەتەتىن ۋاقىت 2 ساعات 29 مينۋت، ەكى جەر اراسىنداعى باسقا ”جاراسىمدىلىق ءنومىرلى“ موتورلى ۆاگوندار قۇراماسىمەن سالىستىرعاندا ەڭ كوپ بولعاندا 58 مينۋت تەز جەتەدى. ءۇرىمجىنى وزەك ەتكەن، تيانشاننىڭ تۇستىگى مەن تەرىستىگىن قامتىعان ەكى ساعاتتىق، ءۇش ساعاتتىق، ءتورت ساعاتتىق پويەز جولى جىلدام قاتىناۋ شەڭبەرىن اناعۇرلىم كەمەلدەندىرىپ، ءوڭىردىڭ ەكونوميكاسىنىڭ كوركەيىپ – گۇلدەنۋىنە، دامۋىنا دەم بەرۋدە ماڭىزدى مانگە يە. (انار بۇلت \ شينجياڭ گازەتىنىڭ حابارى)

كەلۋ قاينارى: حالىق تورابى