3 كيلومەتر ىشىندە اقىسىز جەتكىزىپ بەرەدى، 5 - ايدىڭ 20 - كۇنى رەسمي ىسكە قوسىلادى

شينجياڭ گازەتىنىڭ حابارى. ءتىلشىنىڭ قالالىق ەمدەۋ قامتاماسىزداندىرۋ مەكەمەسىنەن ۇعىسۋىنشا، جارتى جىلعا جۋىق سىناق رەتىندە جۇمىس جۇرگىزۋ ارقىلى 5 ـ ايدىڭ 20 ـ كۇنى ”ءۇرىمجى قالالىق ەمدەۋ قامسىزداندىرۋىنىڭ حالىققا قولايلى قىزمەت وتەۋ تەكشەسى“ (乌鲁木齐市医保便民服务平台) رەسمي جەلىگە شىعارىلىپ، ىسكە قوسىلادى، قولتەلەفون ارقىلى جەلىسىندە الدىن الا نومىرگە زاكاز بەرۋ، جەلىدە تولەۋ، رەتسەپتى اينالىمعا سالۋ، ءدارى ـ دارمەكتىڭ سالىستىرمالى باعاسى، ءدارى ـ دارمەكتىڭ جەتكىزىلۋى قاتارلى ەمدەۋ قامسىزداندىرۋىنان قىزمەت وتەۋدى جاپپاي جۇزەگە اسىرادى.

”ءۇرىمجى قالاسىنىڭ ەمدەۋ قامسىزداندىرۋى حالىققا قولايلى قىزمەت وتەۋ تەكشەسى“ سىناق رەتىندە ىسكە قوسىلعان مەزگىلدە، نەگىزگى ساتىداعى بەلگىلەنگەن ەمدەۋ قۇرىلىمدارىنا جانە ءىشىنارا بولشەك ساتىلاتىن ءدارى دۇكەندەرىنە سۇيەنىپ، جەلىدە الدىن الا نومىرگە زاكاز بەرۋ، جەلىدە ەمدەۋ قامسىزداندىرۋى قاراجاتىنىڭ ەسەبىن جابۋ، سونداي – اق ءدارى - دارمەك باعاسىن سالىستىرىپ تەكسەرۋ قىزمەت وتەۋىن بىرتىندەپ جولعا قويىپ، قامسىزداندىرۋعا قاتىناسقان بۇقارانىڭ تەكشە ارقىلى ەمدەلگەندە ءنومىر الا الۋىنا، رەتسەپتى اينالىمعا سالۋىنا، ءدارى - دارمەك تابۋىنا قولايلىلىق جاراتۋعا، ءدارى - دارمەكتىڭ باعاسىن سالىستىرۋىنا، ءدارى ساتىپ العاندا ەسەپ جابۋعا مۇمكىندىك جاسادى، قازىر تەكشە نەگىزگى ساتىداعى بەلگىلەنگەن ەمدەۋ قۇرىلىمدارىنان 118 ىن، بەلگىلەنگەن ورىندا بولشەك ساتاتىن ءدارى دۇكەندەرىنەن 859 ىن قابىلدادى.

كەلۋ قاينارى: حالىق تورابى