مەملەكەتتىك ساياسي كەڭەس جان سانى، بايلىق، ورتا كوميتەتىنىڭ بۇرىنعى ورىنباسار مەڭگەرۋشىسى، شانشي ولكەلىك ساياسي كەڭەس پارتگرۋپپاسىنىڭ بۇرىنعى شۋجيى، بۇرىنعى ءتوراعاسى حان يۇڭنىڭ پارا الۋ دەلوسىنا ءبىرىنشى سوتتا ۇكىم جاريالاندى

شينحۋا اگەنتتىگىنىڭ 5 – ايدىڭ 19 – كۇنى ناننيڭنەن بەرگەن حابارى. 5 – ايدىڭ 19 – كۇنى گۋاڭشي جۋاڭزۋ اۆتونوميالى رايونى ناننيڭ قالالىق ورتا دارەجەلى حالىق سوت مەكەمەسى ءبىرىنشى سوتتا مەملەكەتتىك ساياسي كەڭەس جان سانى، بايلىق، ورتا كوميتەتىنىڭ بۇرىنعى ورىنباسار مەڭگەرۋشىسى، شانشي ولكەلىك ساياسي كەڭەس پارتگرۋپپاسىنىڭ بۇرىنعى شۋجيى، بۇرىنعى ءتوراعاسى حان يۇڭنىڭ پارا الۋ دەلوسىنا اشىق ۇكىم شىعارىپ، ايىپكەر حان يۇڭدى پارا الۋ قىلمىسى بويىنشا ءولىم جازاسىنا ۇكىم ەتىپ، 2 جىل كەشىكتىرىپ اتقارىپ، ساياسي ۇقىعىنان ومىرلىك ماحۇرىم ەتتى، وعان قوسا جەكەلىك بارلىق مال – مۇلكىن ءمۇسادىرالادى؛ ونىڭ پارا الۋدان تاپقان مال - مۇلكى مەن ونىڭ ءوسىمى زاڭ بويىنشا مەملەكەت قازىناسىنا تاپسىرىلادى، جەتپەگەن بولەگى جالعاستى قۋزاپ قايتارىپ الىنادى.

تەكسەرۋ ارقىلى مىنالار انىقتالدى: 1993 - جىلدان 2023 - جىلعا دەيىن حان يۇڭ جيلين ولكەسى سۇڭيۋان قالالىق حالىق پروكۋراتۋراسى پارتگرۋپپاسىنىڭ شۋجيى، باس پروكۋرورى، جيلين ولكەلىك حالىق پروكۋراتۋراسى پارتگرۋپپاسىنىڭ مۇشەسى، ورىنباسار باس پروكۋرورى، جيلين ولكەلىك ءتارتىپ تەكسەرۋ كوميتەتىنىڭ ورىنباسار شۋجيى، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى، ورىنباسار شۋجيى، شانشي ولكەلىك ساياسي كەڭەس پارتگرۋپپاسىنىڭ شۋجيى، ءتوراعاسى قاتارلى قىزمەت قولايلىلىعى، سونداي ـ اق قىزمەت ۇقىعى، ورنى قالىپتاستىرعان قولايلى شارت ـ جاعدايدان پايدالانىپ قاتىستى ورىندار مەن جەكەلەردىڭ كاسىپورىن تيجاراتى، قۇرىلىستى كوتەرمەگە الۋ، كادرلاردى مىندەتكە تاعايىنداۋ قاتارلى ىستەرىنە پايدا جەتكىزىپ، تىكەلەي نەمەسە باسقالار ارقىلى جيىنى 261 ميلليون يۋاننان استام مال ـ مۇلىك العان.

ناننيڭ قالالىق ورتا دارەجەلى حالىق سوت مەكەمەسى بىلاي دەپ قارايدى: ايىپكەر حان يۇڭنىڭ ارەكەتى پارا الۋ قىلمىسىنا جاتادى، العان پارا سوماسى ەرەكشە كوپ، سونداي - اق مەملەكەت پەن حالىقتىڭ مۇددەسىن ەرەكشە اۋىر زيانعا ۇشىراتقان، قىلمىسى بويىنشا ءولىم جازاسىنا ۇكىم ەتۋ كەرەك. ونىڭ پارا الۋ قىلمىسىندا ماقساتىنا جەتە الماعان ءىسى بولعاندىقتان، دەلوعا الىنعاننان كەيىن باسقا دا ءىرى دەلو دەرەكتەرىمەن قامداپ، ونىسى تەكسەرىلىپ راستالعان، ەلەۋلى ەڭبەك كورسەتۋ بەينەسى بار، قىلمىسىن قاز - قالپىندا مويىنداپ، باقىلاۋ - تەكسەرۋ ورگانى ءالى يگەرمەگەن ءبىر ءبولىم قىلمىس فاكتتەرىن ىرىقتىلىقپەن تاپسىرىپ، قىلمىسىن تانىپ، رايىنان قايتىپ، ارام ولجانى بەلسەنە قايتارعان، پارا الۋدان تاپقان مال - مۇلكى مەن ءوسىمىنىڭ باسىم كوپ ساندىسى قايتارىپ الىنعان، زاڭدا بەلگىلەنگەن، جاعدايعا قاراي جەڭىل جازالاۋعا بولاتىندىقتان وعان ءولىم جازاسى بەرىلىپ، دەرەۋ اتقارماۋعا بولادى. سوت جوعارىداعى ۇكىمدى شىعاردى.

كەلۋ قاينارى: حالىق تورابى