جۇڭگو تەڭىز ساقشىلارى مەڭگەرمەسى فيليپپيننىڭ كەمەلەرىنىڭ بۋجي مارجان قۇزىنىڭ، تيەشيان مارجان قۇزىنىڭ ماڭىنداعى تەڭىز ايدىنىنا زاڭسىز باسا كوكتەي كىرگەنى جونىندە جاۋاپ قايتاردى 

جۇڭگو تەڭىز ساقشىلارى مەڭگەرمەسىنىڭ مالىمدەمەشىسى ليۋ دىجۇننىڭ ايتۋىنشا، فيليپپيننىڭ 3002 – ءنومىرلى، 3003 – ءنومىرلى ۇكىمەت ىستەرى كەمەلەرى جۇڭگو ۇكىمەتىنىڭ رۇقساتىن الماي تۇرىپ، 5 – ايدىڭ 21 – كۇنى جۇڭگونىڭ نانشا توپ ارالىنداعى بۋجي مارجان قۇزىنىڭ، تيەشيان مارجان قۇزىنىڭ ماڭىنداعى تەڭىز ايدىنىنا زاڭسىزدىقپەن باسا كوكتەي كىرگەن ءارى كەمەدەگىلەردى زاڭسىزدىقپەن تيەشيان مارجان قۇزىنا شىعۋ ارەكەتىن ورىستەتۋگە ۇيىمداستىرعان. جۇڭگو تەڭىز ساقشىلارى مەڭگەرمەسىنىڭ زاڭ اتقارۋشى قىزمەتكەرلەرى زاڭ بويىنشا فيليپپيننىڭ كەمەلەرىنە باسقارۋ – تەجەۋ شارالارىن اتقارعان ءارى مارجان قۇزعا شىعىپ، ىسپات الىپ، ءىستى ءبىر جاقتى ەتكەن، ناق مايدانداعى قىزمەتتى كاسىپتىك تۇردە، جۇيەلى، ۇيلەسىمدى، زاڭدى ءبىر جاقتى ەتكەن. ساعات 9 دان 13 مينۋت وتكەننەن 9 دان 14 مينۋت وتكەنگە دەيىن، فيليپپيننىڭ 3002 – ءنومىرلى كەمەسى جۇڭگو جاقتىڭ كوپ رەتكى قاتاڭ ەسكەرتۋىن ەلەمەي، جۇڭگونىڭ قالىپتى ۇقىق قورعاۋ، زاڭ اتقارۋ قىزمەتىن اتقارعان تەڭىز ساقشىلارى 21559 - ءنومىرلى قايىعىنا حاۋىپتى تۇردە جاقىنداپ، قايىقپەن سۇيكەلىپ سوعىلىسۋ جاعدايىن تۋدىرعان، جاۋاپكەرشىلىك تۇگەلدەي فيليپپين جاقتا.

نانشا توپ ارالى مەن ونىڭ ماڭىنداعى تەڭىز ايدىنىنىڭ يەلىك ۇقىعى جۇڭگوعا ءتان ەكەنىنە تالاس جۇرمەيدى. فيليپپين جاقتىڭ ارەكەتى جۇڭگونىڭ تەرريتورياسىنىڭ يەلىك ۇقىعىنا اۋىر دارەجەدە سۇعاناقتىق جاساعاندىق، «نانحاي تەڭىزىندەگى ءارقايسى جاقتاردىڭ ارەكەت جارناماسىنا» قايشى كەلگەندىك بولىپ، نانحاي تەڭىزىنىڭ بەيبىتشىلىگى مەن ورنىقتىلىعىن بۇلدىرەدى. ءبىز فيليپپين جاقتى سۇعاناقتىق جاساۋ ارەكەتىن دەرەۋ توقتاتۋعا قۋزايمىز. جۇڭگو تەڭىز ساقشىلارى جۇڭگونىڭ باسقارۋىنداعى تەڭىز الابىندا ۇقىق قورعاۋ جانە زاڭ اتقارۋ قيمىلدارىن زاڭ بويىنشا ۇزدىكسىز ورىستەتەدى. (باس ستانسيا ءتىلشىسى گو پىڭ)

كەلۋ قاينارى: حالىق تورابى