سايرام كولىنىڭ سولتۇستىك جاعىنان 2500 جىلدىڭ الدىنداعى جارتاس سۋرەتتەرى شوعىرى بايقالعان 

مەملەكەت بويىنشا 4 – رەتكى مادەني مۇرالاردى جاپپاي تەكسەرۋ قىزمەتى بارىسىندا بۇراتالا وبلىستىق جاپپاي تەكسەرۋ اترەتى تيانشان تاۋىنىڭ قويناۋىنداعى سايرام كولىنىڭ سولتۇستىك جاعىندا گەولوگيالىق بارلاۋ جۇرگىزۋ بارىسىندا، ءبىر جەردەن 2500 جىلدىڭ الدىنداعى ەجەلگى جارتاس سۋرەتتەرى شوعىرىنان جيىنى 30 جارتاس سۋرەتىن بايقاعان. جارتاس سۋرەتتەرى 90 گرادۋسقا جۋىق قۇلاما جارتاسقا سىزىلعان، مازمۇنى حايۋاناتتار، ادامدار جانە اڭ اۋلاۋ بارىسى قاتارلىلاردى بەينەلەيدى، جارتاس سۋرەتتەرىندە تاۋەشكى، ارقار قاتارلى حايۋاناتتاردىڭ بەينەسى سىزىلعان، بۇل وسى ارانىڭ شۇرايلى جايلاۋ بولعانىن ايگىلەيدى.

سايرام كولىنىڭ بويىنداعى جارتاس سۋرەتتەرى قاشاۋ، سىزۋ قاتارلى تاسىلدەرمەن سالىنعان، جالاڭ سىزىقتى قيما سۋرەتتى قوس سىزىقپەن تولتىرۋ ۇلگىسىندە سىزىلعان. مۇنىڭ ىشىندە، ساداقپەن اڭ اتىپ جاتقان سۋرەت ايرىقشا كوزگە تۇسەدى، سۋرەتتەگى ادامدار ”سيممەتريالى ەمەس تەرىس يمەكتى كۇردەلى ساداق“ ۇستاعان، گەولوگيالىق سالىستىرۋ جانە جىل سانىن ولشەۋ ساندى مالىمەتى ارقىلى بۇل سۋرەتتىڭ شامامەن 2500 جىلدىڭ الدىنداعى سۋرەت ەكەنى ىسپاتتالعان، قولا داۋىرىندەگى ەۆروپا – ازيا ساحارا مادەنيەتىنىڭ شىعىسقا قاراي تارالۋىنىڭ ماڭىزدى ايعاعى سانالادى.

كەلۋ قاينارى: حالىق تورابى