شينجياڭ بيىل اۋىل ـ قىستاقتاردا تاپسىرىس بويىنشا باعىتتامالى مەديتسينا وقۋشىلارىن تەگىن تاربيەلەۋ جوسپارى بويىنشا 350 وقۋشى قابىلدايدى

2025 – جىلى شينجياڭداعى (بيڭتۋاندى قامتىمايدى) اۋىل ـ قىستاقتاردا تاپسىرىس بويىنشا باعىتتامالى مەديتسينا وقۋشىلارىن تەگىن تاربيەلەۋ جوسپارى بويىنشا 350 وقۋشى قابىلدايدى.

شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى تورابىنىڭ حابارىنا قاراعاندا، تاياۋدا، شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى وقۋ ـ اعارتۋ مەڭگەرمەسىمەن، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىمەن بىرگە 2025 ـ جىلعى اۋىل ـ قىستاقتاعى تاپسىرىس بويىنشا باعىتتامالى مەديتسينا وقۋشىلارىن تەگىن تاربيەلەۋ، وقۋشى قابىلداۋ جوسپارىن (تومەندە قىسقارتىلىپ تەگىن مەديتسينالىق باعىتتامالى جوسپار دەلىنەدى) ۇيىمداستىرىپ جاساپ، جيىنى 350 وقۋشى قابىلداۋدى جوسپارلاعان. مۇنىڭ ىشىندە كلينيكالىق مەديتسينا كاسىبىنەن (بەساسپاپ باعىتى) 200 ادام، جۇڭگوشا شيپاگەرلىك قاتارلى كاسىپتەرگە 150 ادام تاربيەلەيدى، وقۋ مەرزىمى تۇگەلدەي 5 جىل، جەكە - جەكە شينجياڭ مەديتسينا داشۋەسى، شينجياڭ 2 - مەديتسينا شۋەيۋانى وقىتۋ مىندەتىن ۇستىنە الادى.

تەگىن مەديتسينالىق باعىتتامالى جوسپارى تەك اۋىل - قىستاق وقۋشىلارىن عانا قابىلدايدى، ەمتيحان بەرەتىن وقۋشىلار 2025 – جىلعى ءبىرتۇتاس جوعارى مەكتەپ ەمتيحانىنا تىزىمدەلۋ شارتىنا ۇيلەسۋى، ءوزىنىڭ سونداي – اق اكەسى نەمەسە شەشەسىنىڭ نەمەسە زاڭدىق قامقورشىسىنىڭ نوپوسى شينجياڭنىڭ اۋىل - قىستاقتارىندا بولۋى كەرەك؛ جوعارى مەكتەپتەردىڭ تولىق كۋرس ساتىسىنداعى وقۋشى قابىلداۋ قاينارى جوسپارىندا ايىرىم جوبا جاسالعان، تولىق كۋرس بويىنشا الدىن – الا قابىلداۋ توبىنا جاتادى، تالاپ كەستەسىن تولتىرۋدىڭ ءنومىر شەگى دەربەس بەلگىلەنەدى، تالاپ كەستەسىن تولتىرۋدىڭ ءنومىر شەگى كولەمىندە تەك قىزمەت ورنى بەلگىلەنگەن ايماقتارداعى (وبلىس، قالا) وقۋشىلاردى عانا (بيڭتۋاندى قامتىمايدى) قابىلدايدى.

قابىلدانعان وقۋشىلاردىڭ مەكتەپتەگى كەزىندە كاسىپ اۋىستىرۋىنا بولمايدى. وقۋ جىلىندا وقۋ قاراجاتى، جاتاق قاراجاتى كەشىرىم ەتىلەدى. سونىمەن بىرگە، مەملەكەتتىڭ وقۋ كومەك قاراجاتىنىڭ قوسىمشا قاراجات ولشەمىندە تۇرمىس قاراجاتى قوسىمشا قاراجاتىن الۋعا بولادى. وقۋشىلار وقۋ بىتىرگەننەن كەيىن، «جۇڭحۋا حالىق رەسپۋبليكاسىنىڭ كاسىپتىك شيپاگەرلەر زاڭىنداعى» بەلگىلەمە بويىنشا، مەملەكەتتىڭ كاسىپتىك شيپاگەر سالاۋات ەمتيحانىنا قاتىناسۋىنا رۇحسات ەتىلەدى. وقۋشىلار قالىپتى وقۋ تاۋىسقاننان كەيىن، اۆتونوميالى رايوندىق دەنساۋلىق ساقتاۋ جانە سالاماتتىق كوميتەتىنىڭ قاتىستى بەلگىلەمەلەرى بويىنشا بالنيتسا شيپاگەرلەرىن جۇيەلى تاربيەلەۋ بازاسى شيپاحاناسىندا 3 جىلدىق بەساسپاپ كاسىپتىك بالنيتسا شيپاگەرلەرىن جۇيەلى تاربيەلەۋگە قاتىناسادى، بالنيتسا شيپاگەرلەرىن جۇيەلى تاربيەلەۋگە قاتىناسىپ بولعان سوڭ «باعىتتامالى كاسىپتەندىرۋ كەلىسىمى» بويىنشا باعىتتامالى نەگىزگى ساتى ەمدەۋ قۇرىلىمدارىنا بارىپ 6 جىل قىزمەت وتەۋ كەرەك.

اۋىل - قىستاقتاردا تاپسىرىس بويىنشا باعىتتامالى مەديتسينا وقۋشىلارىن تەگىن تاربيەلەۋ نىسانى مەملەكەتتىڭ نەگىزگى ساتى ەمدەۋ جانە دەنساۋلىق ساقتاۋ دارىندىلار قوسىنى قۇرىلىسىن كۇشەيتۋدى كوزدە ۇستاپ، نەگىزگى ساتىنىڭ ەمدەۋ جانە دەنساۋلىق ساقتاۋعا قىزمەت وتەۋ دەڭگەيىن جوعارىلاتىپ، قالا مەن اۋىلدىڭ ەمدەۋ، دەنساۋلىق ساقتاۋ ىستەرىنىڭ بىركەلكى دامۋىن جەبەۋ ءۇشىن اتقارعان كەلەلى شاراسى. 2010 ـ جىلى اۋىل ـ قىستاقتاردا تاپسىرىس بويىنشا باعىتتامالى مەديتسينا وقۋشىلارىن تەگىن تاربيەلەۋ جوسپارى باستالعاننان بەرى، شينجياڭ بويىنشا تولىق كۋرس، ارناۋلى كۋرس قاتارلىلاردى قامتىعان 13 مىڭنان استام باعىتتامالى مەديتسينا وقۋشىلارى تاربيەلەنىپ، ورتا ەسەپپەن ءاربىر اۋىل ـ قالاشىق شيپاحانالارىنا 3.6 داي تولىق كۋرس باعىتتامالى مەديتسينا وقۋشىلارى جەتكىزىلىپ، نەگىزگى ساتى دەنساۋلىق ساقتاۋ دارىندىلار قۇرىلىمى ساپالىلاندىرىلىپ، ەمدەۋ قىزمەت وتەۋ قابىلەتى جوعارىلادى.

كەلۋ قاينارى: حالىق تورابى