حۋنان ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى مۇشەسى، ورىنباسار مەڭگەرۋشىسى پىڭ گوفۋدىڭ پارا الۋ دەلوسىنا ءبىرىنشى سوتتا ۇكىم جاريالادى

شينحۋا اگەنتتىگىنىڭ 5 – ايدىڭ 27 – كۇنى حايكوۋدان بەرگەن حابارى. 2025 ـ جىلى 5 – ايدىڭ 27 – كۇنى حاينان ولكەلىك 1 ـ ورتا دارەجەلى حالىق سوت مەكەمەسى حۋنان ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى مۇشەسى، ورىنباسار مەڭگەرۋشىسى پىڭ گوفۋدىڭ پارا الۋ دەلوسىنا اشىق ۇكىم شىعارىپ، ايىپكەر پىڭ گوفۋدى پارا الۋ قىلمىسى بويىنشا ءولىم جازاسىنا ۇكىم ەتىپ، 2 جىل كەشىكتىرىپ اتقارىپ، ساياسي ۇقىعىنان ومىرلىك ماحۇرىم ەتتى، وعان قوسا جەكەلىك بارلىق مال ـ مۇلكىن ءمۇسادىرالادى. دەلوعا الىنعان پىڭ گوفۋدىڭ قىلمىس وتكىزىپ تاپقان مال - مۇلكى مەن ءوسىمى زاڭ بويىنشا مەملەكەت قازىناسىنا تاپسىرىلادى، جەتپەگەن بولەگى جالعاستى قۋزاپ قايتارىپ الىنادى.

تەكسەرۋ ارقىلى مىنالار انىقتالدى: 2004 - جىلدان 2023 - جىلعا دەيىنگى ارالىقتا ايىپكەر پىڭ گوفۋ شياڭتان داشۋەسى پارتكومىنىڭ شۋجيى، حۋنان ولكەسى حۋايحۋا قالالىق پارتكومنىڭ شۋجيى، حۋنان ولكەلىك ساياسي كەڭەستىڭ ورىنباسار ءتوراعاسى، حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى قاتارلى قىزمەت قولايلىلىعىنان پايدالانىپ، قاتىستى ورىندار مەن جەكەلەردىڭ نىساندى كوتەرمەگە الۋ، كاسىپورىن تيجاراتى، قىزمەت مىندەتىن ءوسىرۋ قاتارلى ىستەرىنە كومەكتەسكەن، تىكەلەي نەمەسە باسقالار ارقىلى زاڭسىز العان مال - مۇلىكى حالىق اقشاسىنا سىندىرعاندا 134 ميلليون يۋاننان اسقان.

حاينان ولكەلىك 1 - ورتا دارەجەلى حالىق سوت مەكەمەسى ايىپكەر پىڭ گوفۋدىڭ ارەكەتى پارا الۋ قىلمىسىنا جاتادى دەپ قارادى. پىڭ گوفۋدىڭ پاراعا العان سوماسى ەرەكشە كوپ، قىلمىس سالماعى ەرەكشە اۋىر، قوعامدىق ىقپالى ەرەكشە جيرەنىشتى، سونداي - اق مەملەكەت پەن حالىقتىڭ مۇددەسىن ەرەكشە اۋىر زيانعا ۇشىراتتى، قىلمىس رەتىندە ءولىم جازاسىنا ۇكىم ەتۋ كەرەك. پىڭ گوفۋدىڭ پارا الۋ قىلمىسىندا جۇزەگە اسپاعان جاعدايى بولعاندىقتان، دەلوعا كەلگەننەن كەيىن قىلمىسىن قاز - قالپىندا مويىنداپ، دەلو ءبىر جاقتى ەتۋ ورگانى ءالى يگەرمەگەن ءبىر ءبولىم پارا الۋ فاكتتەرىن ىرىقتىلىقپەن تاپسىرىپ، قىلمىسىن تانىپ، وكىنىپ، زاڭسىز ولجانى بەلسەنە قايتاردى، دەلوعا ساياتىن زاڭسىز اقشا مەن زاڭسىز بۇيىمداردىڭ كوبى قايتارىلىپ الىندى، زاڭدا بەلگىلەنگەن، جاعدايعا قاراي جەڭىل جازالاناتىن كوپتەگەن جاعدايلار بار، زاڭ بويىنشا وعان ءولىم جازاسى كەسىلەدى، دەرەۋ اتقارىلمايدى. سوت جوعارىداعى ۇكىمدى شىعاردى.

كەلۋ قاينارى: حالىق تورابى