«ەڭبەك قابىلەتىنە ساراپتاما جاساۋدى باسقارۋ ءادىسى» باسىپ تاراتىلدى

حالىق گازەتىنىڭ ءتىلشىسى چيۋ چاۋ – ي 5 – ايدىڭ 26 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، جۋىردا ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن مەملەكەتتىك دەنساۋلىق ساقتاۋ – سالاماتتىق كوميتەتى «ەڭبەك قابىلەتىنە ساراپتاما جاساۋدى باسقارۋ ءادىسىن» (تومەندە قىسقارتىلىپ «ءادىس» دەلىنەدى) باسىپ تاراتىپ، جۇمىس ۇستىندە جارالانعان جۇمىسشى – قىزمەتكەرلەردىڭ، اۋرۋ سەبەبىنەن نەمەسە جۇمىسقا قاتىسسىز سەبەپپەن مۇگەدەك بولعانداردىڭ ەڭبەك قابىلەتىنە ساراپتاما جاساۋدى ءبىر تۇتاس جۇيەگە تۇسىرگەن.

«ادىستە» مىنالار ايقىن تۇراقتاندىرىلعان: جۇمىس ۇستىندە جارالانعان جۇمىسشى – قىزمەتكەرلەر مەن اۋرۋ سەبەبىنەن نەمەسە جۇمىسقا قاتىسسىز سەبەپپەن مۇگەدەك بولعاندار اۋرۋ نەمەسە مۇگەدەك بولۋعا بايلانىستى قامقورلىق قاراجات الۋعا ءوتىنىش بەرگەن جاعدايدا، ولاردىڭ ەڭبەك قابىلەتىنە ساراپتاما جاساۋعا وسى ءادىس قولدانىلادى. ەڭبەك قابىلەتىنە ساراپتاما جاساۋ العاشقى ساراپتاما جانە قايتالاي جۇرگىزىلگەن ساراپتاما دەپ بولىنەدى، العاشقى ساراپتاماعا مويىنسال بولماعانداردىڭ قايتالاي ساراپتاما جاساۋدى ءوتىنىش ەتۋىنە بولادى، قايتالاي جۇرگىزىلگەن ساراپتاما ەڭ سوڭعى تۇجىرىم بولىپ تابىلادى. «ادىستە» جۇمىس ۇستىندە جارالانعان جۇمىسشى – قىزمەتكەرلەردىڭ قايتالاي تەكسەرىلىپ ساراپتاما جاساتۋىنىڭ، اۋرۋ سەبەبىنەن نەمەسە جۇمىسقا قاتىسسىز سەبەپپەن مۇگەدەك بولعانداردىڭ اۋرۋ جانە مۇگەدەك بولۋعا بايلانىستى قامقورلىق قاراجات الۋعا ءوتىنىش بەرگەندە قايتالاي ساراپتاما جاساۋدى ءوتىنىش ەتۋىنىڭ ءتارتىبى مەن وعان قويىلاتىن تالاپتار ايقىندالعان.

«ادىستە» مىنالار تالاپ ەتىلگەن: حالىققا قولايلى قىزمەت وتەۋدى كۇشەيتىپ، قاجەتسىز ماتەريالداردى ازايتۋ، ينفورماتسيانى ورتاق پايدالانۋ جولىمەن قول جەتكىزۋگە بولاتىن ءوتىنىش ماتەريالدارىن ءوتىنىش بەرۋشىنىڭ قايتالاي تاپسىرۋىن تالاپ ەتپەۋ؛ ساراپتاما جاساۋعا كەتەتىن ۋاقىتتى قىسقارتۋ، قورىتىندىنى جەتكىزىپ بەرەتىن ۋاقىتتى 20 كۇننەن 15 كۇنگە قىسقارتۋ؛ كەدەرگىسىز ورتا قۇرىلىسىن كۇشەيتىپ، كەدەرگىسىز قىزمەت وتەۋ قۇرىلعىلارى مەن جابدىقتارىن كەمەلدەندىرۋ كەرەك. تەحنيكالىق جولمەن ساقتانۋ، تۇزىمدىك جاقتان ساقتانۋ، زاڭدىق جاۋاپكەرشىلىكتى ايقىنداۋ، ماماندار باسقارۋدى كۇشەيتۋ قاتارلى تاسىلدەر ارقىلى حاۋىپ – قاتەردەن ساقتانۋدى اناعۇرلىم كۇشەيتۋ كەرەك.

كەلۋ قاينارى: حالىق تورابى