ينتەرنەتتە شينجياڭ ۇيعۇر اۆتونوميالى رايونىندا قارتتارعا بەرىلەتىن قامقورلىق قاراجاتىنىڭ ولشەمى جوعارىلاتىلدى دەگەن اقپارات تارالعان، بۇل راس پا؟ ۇكىمەت جاق جاۋاپ قايتاردى 

جۋىردا ءبىر توراپتاس ينتەرنەتتەگى تەكشەدە ”شينجياڭدا قارتتارعا بەرىلەتىن قوسىمشا قاراجات سوماسى ارەڭ جوعارىلاتىلدى. بۇرىن 80 جاستان اسقان قارتتارعا ايىنا 100 يۋان قوسىمشا قاراجات بەرىلەتىن، قازىر اۆتونوميالى رايوندىق قازىنا ايىنا 200 يۋاندىق ولشەم بويىنشا تاراتاتىن بولىپتى ... ۇرىمجىدە 300 يۋانعا جوعارىلاتىلىپتى ... “ دەگەن مازمۇنداعى اقپاراتتى جاريالاپ، قوعامداعىلاردىڭ نازارىن اۋدارعان.

شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسىنىڭ تەكسەرىپ تۇراقتاندىرۋىنشا، بۇل اقپاراتتىڭ مازمۇنى جالعان ەكەن. قازىر شينجياڭ ۇيعۇر اۆتونوميالى رايونىندا قارتتارعا بەرىلەتىن قامقورلىق قاراجاتتىڭ ولشەمى: 80 جاستان (80 جاستى قامتيدى) 89 جاسقا دەيىنگى قارتتاردىڭ اربىرىنە ايىنا 50 يۋان قوسىمشا قاراجات بەرىلەدى؛ 90 جاستان (90 جاستى قامتيدى) 99 جاسقا دەيىنگى قارتتاردىڭ اربىرىنە ايىنا 120 يۋان قوسىمشا قاراجات بەرىلەدى؛ 100 جاستان (100 جاستى قامتيدى) اسقان قارتتاردىڭ اربىرىنە ايىنا 200 يۋان قوسىمشا قاراجات بەرىلەدى. جەر – جەردىڭ ءىس جۇزىندىك جاعدايعا قاراي وتىرىپ، اۆتونوميالى رايوننىڭ قارتتارعا قوسىمشا قاراجات بەرۋ ولشەمىنەن تومەن بولماۋدى العى شارت ەتە وتىرىپ، سول جەردىڭ قارتتارعا قامقورلىق قاراجات تاراتۋ ولشەمىن ۇيلەسىمدى رەتتەۋىنە بولادى. مۇنان سىرت، ءۇرىمجى قالاسىندا قارتتارعا قوسىمشا قاراجات بەرۋ ولشەمى: 80 جاستان (80 جاستى قامتيدى) 89 جاسقا دەيىنگى قارتتاردىڭ اربىرىنە ايىنا 75 يۋان قوسىمشا قاراجات بەرىلەدى؛ 90 جاستان (90 جاستى قامتيدى) 99 جاسقا دەيىنگى قارتتاردىڭ اربىرىنە ايىنا 145 يۋان قوسىمشا قاراجات بەرىلەدى؛ 100 جاستان (100 جاستى قامتيدى) اسقان قارتتاردىڭ اربىرىنە ايىنا 225 يۋان قوسىمشا قاراجات بەرىلەدى.

كەلۋ قاينارى: حالىق تورابى