ادام ىستەتۋشى ورىن جىلدىق دەمالىستى ادەتتە قالاي ورنالاستىرادى؟ 

«كاسىپورىندارداعى جۇمىسشى – قىزمەتكەرلەردىڭ ەڭبەكاقىلى جىلدىق دەمالىسى ءتۇزىمىن اتقارۋ ادىسىندەگى» بەلگىلەمەلەرگە ساي، جۇمىسشى – قىزمەتكەرلەر ءۇزىلىسسىز قىزمەت ىستەگەن ۋاقىتى 12 ايدان اسقان جاعدايدا ەڭبەكاقىلى جىلدىق دەمالىستان يگىلىكتەنەدى. ادام ىستەتۋشى ورىن ءوندىرىس پەن قىزمەتتىڭ ناقتى جاعدايىنا ساي، جۇمىسشى – قىزمەتكەرلەردىڭ ءوزىنىڭ قالاۋىن ويلاستىرا وتىرىپ، جۇمىسشى – قىزمەتكەرلەردىڭ ەڭبەكاقىلى جىلدىق دەمالىسىن ءبىر تۇتاس جوسپارلاپ ورنالاستىرادى. ادام ىستەتۋشى ورىن شىنىمەن دە قىزمەتتىڭ قاجەتى سەبەبىنەن جۇمىسشى – قىزمەتكەرلەرگە جىلدىق دەمالىس ورنالاستىرا الماسا نەمەسە جىل اتتاپ جىلدىق دەمالىس ورنالاستىرسا، جۇمىسشى – قىزمەتكەرلەردىڭ ءوزىنىڭ ماقۇلداۋىنان ءوتۋى كەرەك.

ادام ىستەتۋشى ورىن جۇمىسشى – قىزمەتكەردىڭ ماقۇلداۋى بويىنشا جىلدىق دەمالىس ورنالاستىرماسا نەمەسە جۇمىسشى – قىزمەتكەرگە جىلدىق دەمالىس بەرگەن ۋاقىتى ءاسىلى بەرۋگە ءتيىستى جىلدىق دەمالىس كۇنىنەن از بولسا، سول جىل ىشىندە جۇمىسشى – قىزمەتكەردىڭ دەمالماعان جىلدىق دەمالىسىنىڭ كۇن سانى بويىنشا، ونىڭ كۇندەلىكتى ەڭبەكاقى كىرىسىنىڭ %300 ى بويىنشا دەمالماعان جىلدىق دەمالىس كۇنىنە ەڭبەكاقى تولەۋى كەرەك، مۇندا ادام ىستەتۋشى ورىن تولەگەن جۇمىسشى – قىزمەتكەردىڭ قالىپتى قىزمەت ىستەگەن مەزگىلدەگى ەڭبەكاقى كىرىسى قامتىلادى. ادام ىستەتۋشى ورىن جۇمىسشى – قىزمەتكەرگە جىلدىق دەمالىس بەرسە، الايدا، جۇمىسشى – قىزمەتكەر ءوزىنىڭ سەبەبىنەن جىلدىق دەمالىستا دەمالماۋدى جازباشا تۇردە ورتاعا قويسا، ادام ىستەتۋشى ورىننىڭ وعان تەك قانا قالىپتى قىزمەت مەزگىلىندەگى ەڭبەكاقىسىن تولەۋىنە بولادى.

جىلدىق دەمالىسىن دەمالماعان كەزدەگى ەڭبەكاقى وتەمىنىڭ كۇندىك مولشەرى جۇمىسشى – قىزمەتكەردىڭ ايلىق ەڭبەكاقىسىن ايىنا ەڭبەكاقى ەسەپتەيتىن كۇن سانىنا (21.75) ءبولۋ ارقىلى ەسەپتەلەدى. ايلىق ەڭبەكاقى دەگەنىمىز ادام ىستەتۋشى ورىن جۇمىسشى - قىزمەتكەردىڭ دەمالماعان جىلدىق دەمالىسىنا ەڭبەكاقى ەسەپتەۋدەن بۇرىنعى 12 ايداعى جۇمىسشى – قىزمەتكەردىڭ ۇستەمە جۇمىس ەڭبەكاقىسىن شىعارىپ تاستاعاننان كەيىنگى ايلىق ورتاشا ەڭبەكاقىسىن كورسەتەدى.

كەلۋ قاينارى: حالىق تورابى