”شينجياڭداعى كۇشار اڭعارىندا تاسقىن ءجۇردى“ دەگەن اقپارات شىن با؟ 

جۋىردا ءبىر توراپتاس ءمالىم ينتەرنەت تەكشەسىندە ”شينجياڭدا ساياحاتتاپ جۇرگەندە كەنەتتەن تاسقىن ءجۇرىپ، تاسقىننىڭ ءجۇرۋ بارىسىن باستان – اياق كوزىممەن كوردىم، جۇگىرگەندە اياعىم دىرىلدەپ كەتتى، قازىر ويلاعان سايىن قورقامىن“ دەگەن مازمۇنداعى كەسكىندى جولداعان.

كۇشار قالالىق مادەنيەت – ساياحات توبىنىڭ تەكسەرىپ تۇراقتاندىرۋىنشا، 2025 – جىلدىڭ باسىنان قازىرگە دەيىن كۇشارداعى تيانشان سىرلى اڭعارى كورىنىس رايونىندا تاسقىن جۇرمەگەن، كورىنىس رايونىنىڭ جۇمىسى قالىپتى دا ءتارتىپتى جۇرگىزىلگەن. توراپتاس جاريالاعان كەسكىن 2022 – جىلى 7 – ايدا كۇشار اڭعارىندا قالىڭ جاڭبىر جاۋىپ، تاسقىن تۋىلعان كەزدەگى كونە كەسكىن، كورىنىس رايونىنداعى قىزمەتكەرلەر تاسقىن تۋىلاردان بۇرىن كەلىپ، ساياحاتشىلاردى الدىن الا جوتكەگەن، ءولىم – ءجىتىم جانە جارالانۋ جاعدايى تۋىلماعان.

ينتەرنەت — زاڭنان تىسقارى جەر ەمەس، توراپتاستاردىڭ كەلۋ قاينارى انىق بولماعان ينتەرنەتتەگى ينفورماتسيالار جونىندە قىراعىلىقتى ارتتىرۋىن، وسەك – اياڭعا سەنبەۋىن، وسەك – اياڭ تاراتپاۋىن، پاك ينتەرنەت كەڭىستىگىن سانالىلىقپەن قورعاۋىن ءۇمىت ەتەمىز.

كەلۋ قاينارى: حالىق تورابى