4 – ايدا ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن 18845 ماسەلە تەكسەرىلىپ ءبىر جاقتى ەتىلدى 

حالىق گازەتىنىڭ ءتىلشىسى جاۋ چىڭ 5 – ايدىڭ 28 – كۇنى بەيجيڭنەن حابارلايدى. ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ كوميتەتىنىڭ تورابى 5 – ايدىڭ 28 – كۇنى ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردى تەكسەرىپ ءبىر جاقتى ەتۋگە قاتىستى ايلىق ساندى مالىمەتتى جاريالادى. حابارلاندىرۋعا قاراعاندا، بيىل 4 – ايدا ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردەن 18845 ماسەلە تەكسەرىلىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 24559 ادام (ايماق – مەڭگەرمە دارەجەلى 100 كادر، اۋدان – باسقارما دارەجەلى 1113 كادر)، پارتيا ءتارتىبى جانە اكىمشىلىك ءتارتىپ بويىنشا جازالانعاندار سانى 16513 ادام.

حابارلاندىرۋعا نەگىزدەلگەندە، بيىل 4 – ايدا ەلىمىز بويىنشا فورماشىلدىققا، تورەشىلدىككە ساياتىن ماسەلەلەردەن جيىنى 9658 ماسەلە تەكسەرىلىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 12845 ادام بولعان. مۇندا ”مىندەتىن اتقارىپ، جاۋاپكەرشىلىگىن ادا ەتۋ، ەكونوميكا مەن قوعامنىڭ دامۋىنا قىزمەت ەتۋ جانە ەكولوگيالىق ورتانى قورعاۋ جاقتارىندا جاۋاپكەرشىلىگىن ادا ەتپەۋ، مىندەتىن اتقارماۋ، مىندەتىن الباتى اتقارۋ، مىندەتىن جالعان اتقارۋ، جوعارى ساپالى دامۋعا اۋىر دارەجەدە ىقپال جاساۋ“ جاقتاعى ماسەلەلەر ەڭ كوپ بولىپ، 8329 ماسەلە انىقتالىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 11177 ادام بولعان.

حابارلاندىرۋعا قاراعاندا، بيىل 4 – ايدا ەلىمىز بويىنشا راقاتقۇمارلىققا، ىسىراپشىلدىققا ساياتىن ماسەلەلەردەن جيىنى 9187 ماسەلە انىقتالىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 11714 ادام بولعان. مۇندا بەلگىلەمەگە قايشى تۇردە قىمبات باعالى جەرگىلىكتى ونىمدەردى جانە اقشالاي، زاتتاي تارتۋ – تارالعى ۇسىنۋ – قابىلداۋعا ساياتىن 5097 ماسەلە، بەلگىلەمەگە قايشى تۇردە قامقورلىق قاراجات نەمەسە يگىلىك بۇيىم تاراتۋعا ساياتىن 1149 ماسەلە، بەلگىلەمەگە قايشى تۇردە ءىشىپ – جەۋگە ساياتىن 1853 ماسەلە انىقتالىپ ءبىر جاقتى ەتىلگەن.

كەلۋ قاينارى: حالىق تورابى