جاڭادان وزگەرىس ەنگىزىلگەن شينجياڭ ۇيعۇر اۆتونوميالى رايونىنىڭ ازامات جاسىنا تولماعانداردىڭ قىلمىس وتكىزۋىنەن ساقتانۋ ەرەجەسى 6 – ايدىڭ 1 - كۇنىنەن باستاپ اتقارىلدى

ءتىلشىنىڭ 5 ـ ايدىڭ 29 ـ كۇنى، شينجياڭ ۇيعۇر اۆتونوميالى رايوندىق جوعارى دارەجەلى حالىق سوت مەكەمەسىنەن ۇعىسۋىنشا، وزگەرىس ەنگىزىلگەننەن كەيىنگى «شينجياڭ ۇيعۇر اۆتونوميالى رايونىنىڭ ازامات جاسىنا تولماعانداردىڭ قىلمىس وتكىزۋىنەن ساقتانۋ ەرەجەسى» (تومەندە قىسقارتىلىپ «ەرەجە» دەلىنەدى) 6 ـ ايدىڭ 1 ـ كۇنى رەسمي اتقارىلعان. شينجياڭنىڭ ءىس جۇزىندىگىن تياناق ەتكەن، قوعام كوڭىل ءبولىپ وتىرعان ماسەلەلەرگە جاۋاپ قايتارعان وسى جەرگىلىكتى زاڭدىق ەرەجە ”تۇتاس تىزبەكتى جونگە سالۋ، تۇتاس قوعام بىرگە جونگە سالۋ“ سىندى ساقتانۋ جۇيەسىن ورناتۋ ارقىلى ازامات جاسىنا تولماعانداردىڭ اقاۋسىز ەسەيىپ ـ ەرجەتۋىن اناعۇرلىم بەرىك زاڭمەن جونگە سالۋ كەپىلدىگىمەن قامدايدى.

قازىر اتقارىلىپ وتىرعان «ەرەجە» 2016 - جىلى اتقارىلعاننان بەرى 9 جىلعا جالعاستى. «جۇڭحۋا حالىق رەسپۋبليكاسىنىڭ ازامات جاسىنا تولماعانداردىڭ قىلمىس وتكىزۋىنەن ساقتانۋ زاڭىنىڭ» 2020 - جىلى وزگەرىس ەنگىزىلۋىنە، سونداي - اق شينجياڭداعى ازامات جاسىنا تولماعانداردىڭ قىلمىس وتكىزۋ جاعدايىندا جاڭا وزگەرىستەردىڭ جارىققا شىعۋىنا بايلانىستى، بۇرىنعى «ەرەجەنىڭ» توقىراۋ سيپاتى بىرتىندەپ كورنەكتىلەندى. وسى رەتكى وزگەرىس ەنگىزۋدە نازاردى 3 ۇلكەن قيىن تۇيىنگە شوعىرلاندىردى: ءبىرىنشى وتباسىنىڭ، مەكتەپتىڭ، قوعامنىڭ جاۋاپكەرشىلىك شەكاراسىن اشالاپ، ”كوپ جاق جاۋاپتى بولسا دا، ناقتى يە بولاتىن ورىن شىقپاۋ“ قيىنشىلىعىن شەشۋ؛ ەكىنشى، دارەجەگە ءبولىپ كيلىگۋ مەحانيزمىن ورناتىپ، ناشار ارەكەتتەردى، اۋىر ناشار ارەكەتتەردى، قىلمىستىق ارەكەتتەردى تۇرگە ءبولىپ تۇزەتۋ؛ ءۇشىنشى، عىلىم ـ تەحنيكا قۋاتى مەن ينتەرنەتتى جونگە سالۋدى كۇشەيتىپ، شينجياڭنىڭ وڭىرلىك ەرەكشەلىگىنە باعىتتاي وتىرىپ، ”قوعام ورنىقتىلىعى“، ”ۇلتتار ىنتىماعى“ تاربيەسى مازمۇنىن كوبەيتتى ءارى ۇكىمەتتىك ساتىپ الۋعا قىزمەت وتەۋ ارقىلى كاسىپتىك كۇشتەردى ەنگىزىپ، تۇزەتۋگە قاتىناستىرۋدى ايقىندادى.

كەلۋ قاينارى: حالىق تورابى