بيىل شينجياڭنىڭ كوپ جەرىندە كۇن ىستىق، جاۋىن – شاشىن از بولادى دەپ مەجەلەندى

ءتىلشىنىڭ شينجياڭ كليمات ورتالىعىنان ۇعىسۋىنشا، بيىل جازدا بۇكىل شينجياڭنىڭ باسىم كوپ بولەگىنىڭ ورتاشا اۋا تەمپەراتۋراسى بۇرىنعى جىلدارداعىدان ءسال جوعارى نەمەسە ءبىرشاما جوعارى بولادى، جاۋىن - شاشىن مولشەرى بۇرىنعى جىلدارداعىدان از نەمەسە ەرەكشە از بولادى. شينجياڭ كليمات ورتالىعى مىنانى ەسكەرتتى: جاز ماۋسىمىندا تيانشان تاۋىنىڭ سولتۇستىك بەتكەيى مەن شىعىس شينجياڭنىڭ وڭتۇستىك بولەگىندە جاۋىن - شاشىن از، اۋا تەمپەراتۋراسى ءبىرشاما جوعارى بولادى، ونىڭ ۇستىنە جوعارى تەمپەراتۋرالى كۇن سانى بۇرىنعى جىلدارداعىدان كوپ بولادى، وڭىرلىك، كەزەڭدىك اۋا رايى قۋاڭشىلىعىنىڭ تۋىلۋ مۇمكىندىگى ءبىرشاما جوعارى بولىپ، قاتىستى تاراۋلاردىڭ اپاتتان ساقتانۋ، اپاتقا قارسى تۇرۋ دايىندىعىن الدىن الا ويداعىداي ىستەۋىن ۇسىنىس ەتەمىز.

مەجەگە قاراعاندا، بيىل جازدا بۇكىل شينجياڭنىڭ باسىم كوپ بولەگىنىڭ ورتاشا اۋا تەمپەراتۋراسى بۇرىنعى جىلدارداعىدان ءسال جوعارى نەمەسە ءبىرشاما جوعارى بولادى، تەك وڭتۇستىك شينجياڭنىڭ باتىس بولەگىندەگى تاۋلى رايونداردا عانا ءسال تومەن بولادى.

مۇنىڭ ىشىندە قىزىلسۋ قىرعىز اۆتونوميالى وبلىسى مەن قاشقار ايماعىنىڭ تاۋلى رايوندارى ادەتتەگى جىلدارداعىدان 0.5 تە 0.6 سەلتسي گرادۋس، قىزىلسۋ قىرعىز اۆتونوميالى وبلىسى مەن قاشقار ايماعىنىڭ جازىق رايوندارى، حوتان ايماعىنىڭ باتىس بولىگى 0.5 تە 0.6 سەلتسي گرادۋس، بۇكىل شينجياڭنىڭ باسقا رايوندارى 1.1 دە 1.3 سەلتسي گرادۋس جوعارى بولادى.

شينجياڭ كليمات ورتالىعى مىنانى ەسكەرتتى: بيىل جازدا سولتۇستىك شينجياڭنىڭ تيانشان ءوڭىرى، تۇرپان قالاسى، قۇمىل قالاسى، حوتان ايماعى جانە بايىنعولىن موڭعۇل اۆتونوميالى وبلىسىنىڭ اۋا تەمپەراتۋراسى بۇرىنعى جىلدارداعىدان ءبىرشاما جوعارى بولادى، ونىڭ ۇستىنە جوعارى تەمپەراتۋرالى كۇن سانى ءبىرشاما كوپ، كەزەڭدىك جوعارى تەمپەراتۋرا جارىققا شىعۋى مۇمكىن، جازدىڭ شىلىڭگىر ىستىعىندا ىستىقتان ساقتانىپ، تەمپەراتۋرانى تومەندەتۋگە قاتىستى دايىندىق قىزمەتتەردى الدىن الا جاقسى ىستەۋ كەرەك. سونىمەن بىرگە، جوعارى تەمپەراتۋرالى اۋا رايى بارىسىنىڭ ىقپالىنا ۇشىراپ، ورمان، جايىلىم ءورت اپاتىنىڭ دارەجەسى ءبىرشاما جوعارى بولىپ، ورماندى وڭىرلەردە ورتتەن ساقتانۋعا قاداعالاي نازار اۋدارۋ كەرەك.

بۇكىل شينجياڭنىڭ باسىم كوپ بولەگىنىڭ جاۋىن - شاشىن مولشەرى جىل بويى ءبىرشاما از نەمەسە ەرەكشە از بولادى، تەك وڭتۇستىك شينجياڭنىڭ باتىس بولەگىندە عانا ءبىرشاما كوپ بولادى. مۇنىڭ ىشىندە اقسۋ ايماعىنىڭ باتىس بولەگى، قىزىلسۋ قىرعىز اۆتونوميالى وبلىسى، قاشقار ايماعى، حوتان ايماعىنىڭ باتىس بولەگىنىڭ جازعى جاۋىن - شاشىن مولشەرى بۇرىنعى جىلدارداعىدان 20 دە 40 پايىزدان اسادى؛ قۇمىل قالاسىنىڭ وڭتۇستىك بولەگى، تۇرپان قالاسى، اقسۋ ايماعىنىڭ شىعىس بولەگى، حوتان ايماعىنىڭ شىعىس بولەگى، بايىنعولىن وبلىسىنىڭ وڭتۇستىك بولەگى 50 پايىزدان اسادى؛ بۇكىل شينجياڭنىڭ باسقا رايوندارىندا 20 دە 40 پايىز از بولادى.

مەجەمەن جاز ماۋسىمىندا جاۋىن - شاشىن نەگىزىنەن تيانشان تاۋلى رايوندارىنا جانە ەكى قاپتالىنا، قۇمىل قالاسىنىڭ سولتۇستىك تاۋلى رايوندارىنا جانە وڭتۇستىك شينجياڭنىڭ باتىس بولەگىنە شوعىرلانادى، سونىمەن بىرگە جوعارىداعى وڭىرلەردىڭ تەمپەراتۋراسى ءبىرشاما جوعارى بولىپ، قىسقا ۋاقىتتىق كۇشتى جاۋىن - شاشىن، ناجاعايلى جاڭبىر، بوران، بۇرشاق سياقتى كۇشتى كونۆەكسيالىق اۋا رايىنىڭ تۋىلۋىنا ءتيىمدى بولادى، بۇعان قاداعالاي نازار اۋدارۋ ءارى ساقتانۋ شارالارىن ويداعىداي ىستەۋ كەرەك.

مۇنىڭ ىشىندە وڭتۇستىك شينجياڭنىڭ باتىس بولەگىندەگى جاۋىن - شاشىن مولشەرى بۇرىنعى جىلدارداعىدان كوپ، ەرەكشە جاۋىن - شاشىننىڭ تۋىلۋ مۇمكىندىگى زور، جوعارىداعى وڭىرلەردە ءىشىنارا جەرلەردە نوسەر جاۋىپ، تاۋ تاسقىنى مەن تۋىندى اپاتتاردىڭ تۋىلۋىنا ءتۇيىندى تۇردە نازار اۋدارىپ، ساقتانۋ دايىندىعىن ويداعىداي ىستەۋ كەرەك.

كەلۋ قاينارى: حالىق تورابى