6 – ايدا شينجياڭ ىستىق بولا ما؟ ەڭ جاڭا كليمات بەتالىسىن مەجەلەۋ

5 – ايدىڭ 30 – كۇنى، شينجياڭ اۋا رايى مەكەمەسىنىڭ ۋيچات الەۋمەتتىك تەكشەسى 6 ـ ايداعى كليمات بەتالىسى جونىندەگى مەجەنى جاريالادى، مەجەمەن 6 ـ ايدا 3 رەت جوعارى تەمپەراتۋرالى اۋا رايى شينجياڭعا ىقپال جاسايدى، بۇكىل شينجياڭنىڭ ورتاشا اۋا تەمپەراتۋراسى بۇرىنعى جىلدارداعىدان ءسال جوعارى نەمەسە جوعارىلاۋ بولادى.

كليمات بەتالىسىن مەجەلەۋدە كورسەتىلۋىنشە، مەجەمەن 6 - ايدا التاي ايماعى، تارباعاتاي ايماعى، بۇراتالا وبلىسى، ىلە وبلىسى، قارامايلى قالاسى، شىحىزى قالاسى، سانجى وبلىسى، ءۇرىمجى قالاسى، حوتان ايماعى، بايىنعولىن وبلىسى، تۇرپان قالاسى جانە قۇمىل قالاسىندا 1.1 دە 1.5 سەلتسي گرادۋس جوعارى بولادى، اقسۋ ايماعى، قىزىلسۋ وبلىسى جانە قاشقار ايماعىندا 0.5 تە 0.8 سەلتسي گرادۋس جوعارى بولادى.

جاۋىن - شاشىن جاعىندا، مەجەمەن 6 - ايدا بۇكىل شينجياڭنىڭ باسىم كوپ بولەگىندە جاۋىن – شاشىن بۇرىنعى جىلدارداعىدان از بولادى. بۇرىنعى جىلدارداعى ۇقساس مەزگىلدەگىمەن سالىستىرعاندا، اقسۋ ايماعىنىڭ باتىس بولەگى، سولتۇستىك بولەگى، قىزىلسۋ قىرعىز اۆتونوميالى وبلىسى، قاشقار ايماعى جانە بايىنعولىن وبلىسىنىڭ سولتۇستىك تاۋلى رايوندارىندا جاۋىن – شاشىن بۇرىنعى جىلدارداعىدان 20 دا 50 پايىز كوپ بولادى، التاي ايماعى، تارباعاتاي ايماعى، بۇراتالا وبلىسى، ىلە وبلىسى، قارامايلى قالاسى، شىحىزى قالاسى، سانجى وبلىسى جانە ءۇرىمجى قالاسىندا جاۋىن – شاشىن 10 دا 20 پايىز از بولادى، بۇكىل شينجياڭنىڭ باسقا رايوندارىندا 30 دا 60 پايىز از بولادى نەمەسە نەگىزىنەن جاۋىن - شاشىن بولمايدى.

اۋا رايى تاراۋلارى مىنانى ەسكەرتتى: 6 – ايدا ىلە اڭعارى، بۇراتالا وبلىسى، شىحىزى قالاسى، سانجى وبلىسى، ءۇرىمجى قالاسى قاتارلى جەرلەردە بۇرشاق، ناجاعايلى بوران، كۇشتى جاۋىن – شاشىن بولادى، ءىشىنارا جەرلەردە كۇشتى كونۆەكسيالىق اۋا رايى بولادى، ءىشىنارا جەرلەردە كۇشتى جاۋىن - شاشىننان تۋىلعان تاسقىن مەن گەولوگيالىق اپاتتارعا ءتۇيىندى تۇردە نازار اۋدارۋ جانە ودان ساقتانۋ كەرەك، قاتىستى تاراۋلار بۇرشاقتان جاساندى جولمەن ساقتانۋ، بۇرشاقتى جويۋ قىزمەتتەرىن ويداعىداي ىستەۋى كەرەك. سونىمەن بىرگە، ىلە اڭعارى، بۇراتالا وبلىسى جانە تارباعاتاي، التاي، ءۇرىمجى قاتارلى جەرلەردىڭ تاۋلى رايوندارىندا نوسەر جاۋىپ، تاسقىن ءجۇرۋ جانە ودان تۋىنداعان اپاتتاردىڭ تۋىلۋ مۇمكىندىگى ءبىرشاما زور بولادى، ساياحات قاتىناس لەنيالارى مەن ءتۇيىندى اعارلاردىڭ حاۋىپ - قاتەرىن تەكسەرۋ، باعالاۋ قىزمەتىن كۇشەيتىپ، تاۋلى رايوندارداعى تاس جول ساياحات كورىنىس رايوندارىنىڭ حاۋىپسىزدىك، ساقتانۋ قىزمەتىن ءتۇيىندى تۇردە كۇشەيتۋ كەرەك.

بۇدان سىرت، 6 - ايدا بۇكىل شينجياڭنىڭ باسىم كوپ بولەگىندە جاۋىن - شاشىن از بولادى، ورتا شەنىنىڭ، سوڭعى مەزگىلىنىڭ، اياققى مەزگىلىنىڭ سوڭىندا بۇكىل شينجياڭنىڭ باسىم كوپ ساندى جازىق رايوندارى 35 سەلتسي گرادۋستان اساتىن جوعارى تەمپەراتۋرالى اۋا رايىنىڭ ىقپالىنا ۇشىرايدى، استىق، ماقتا جانە ەرەكشە جەمىس ورماندارىنىڭ جوعارى تەمپەراتۋرالى ىستىق اپاتى، ورمان، جايىلىم، ءورت اپاتىنىڭ دارەجەسى جوعارى بولادى، جوعارى تەمپەراتۋرالى اۋا رايىنىڭ اۋىل شارۋاشىلىق وندىرىسىنە جاسايتىن ىقپالىنا جانە ورمان، ءشوپ قاتارلىلاردىڭ ورتتەن ساقتانۋىنا قاداعالاي نازار اۋدارۋ كەرەك.

2025 - جىلى جازدا شينجياڭنىڭ كليمات بەتالىسىن مەجەلەۋگە نەگىزدەلگەندە، مەجەمەن 2025 - جىلى جازدا بۇكىل شينجياڭنىڭ باسىم كوپ بولەگىنىڭ ورتاشا تەمپەراتۋراسى ادەتتەگى جىلدارداعدان 1.1 دە 1.3 سەلتسي گرادۋس بولادى، مۇنىڭ ىشىندە سولتۇستىك شينجياڭنىڭ تيانشان ءوڭىرى، تۇرپان قالاسى، قۇمىل قالاسى، حوتان ايماعى جانە بايىنعولىن وبلىسىنىڭ تەمپەراتۋراسى بۇرىنعى جىلدارداعىدان ءبىرشاما جوعارى بولادى، ونىڭ ۇستىنە جوعارى تەمپەراتۋرالى كۇن سانى ءبىرشاما كوپ بولىپ، كەزەڭدىك جوعارى تەمپەراتۋرا جارىققا شىعۋى مۇمكىن.

كەلۋ قاينارى: حالىق تورابى