ساقشى جاق اۋىل – قىستاققا جاسىرىنعان الدامكوستىك اپانىن تالقاندادى 

جۋىردا ۋحان قالاسى دۇڭشيحۋ ساقشى جاعى ءبىر ورىنداعى الدامكوستىك اپانىن ءساتتى تالقانداپ، قىلمىس كۇماندىلارىنان 32 ادامدى ءساتتى قولعا تۇسىرگەن، 20 نەشە ادامدى ساقشى جاق قىلمىستىق ىستەر بويىنشا قاماۋعا العان. بۇل قىلمىس كۇماندىلارى ”سۇلۋلارمەن دوستاسۋ شىرعاسىن“ جالعاننان قۇراستىرىپ، ”توراپتاستاردى“ جالعان تەكشەگە شىعۋعا، ۆيرتۋالدى اقشا ارقىلى ”قارجى قوسۋعا“ شىرعالاعان.

جۋىردا ۋحان قالالىق قوعام حاۋىپسىزدىگى مەكەمەسى دۇڭشيحۋ رايوندىق بولىمشە مەكەمەسى ينتەرنەتتە مالىمدەۋ دەرەگىن تاپسىرىپ العان سوڭ، دەرەۋ ارناۋلى دەلو گرۋپپاسىن قۇرىپ بارلاۋ – تەكسەرۋ جۇرگىزگەن. حالىق ساقشىلارى سول جەرگە بارىپ جاعداي ۇعىسۋ، بەينە كەسكىن ارقىلى تەكسەرۋ قاتارلى ءتۇرلى جولدارمەن ءمالىم عىلىم – تەحنيكا شەكتى سەرىكتەستىگىنىڭ ماڭىنداعى اۋلاعا جاسىرىنعان تەلەكومنان پايدالانىپ الدامكوستىك ىستەيتىندەردىڭ اپانىن تەز ارادا تۇراقتاندىرعان.

ەكىنشى قاباتتىڭ توبەسىنە تاقتايمەن سالىنعان كەڭسە رايونىندا، حالىق ساقشىلارى كومپيۋتەردىڭ الدىندا قاربالاس جۇمىس ىستەپ جاتقان قىلمىس كۇماندىلارىن قولعا تۇسىرگەن.

بۇل رەتكى ارەكەت بارىسىندا جيىنى 32 قىلمىس كۇماندىسى قولعا تۇسىرىلگەن، سول جەردەن الدامكوستىككە قولدانىلعان 40 نەشە كومپيۋتەر، 240 نەشە قول تەلەفون، الدامكوستەر پايدالاناتىن كوپ مولشەردەگى ”ءسوز ونەرى داپتەرىن“ قولعا تۇسىرىلگەن.

سول جەردە تەرگەپ سۇراۋ بارىسىندا، لين X دىڭ، لين X لەي، لين X ياڭدار اتاماندىعىنداعى، قوجايىن، باسقارۋشىلاردان تارتىپ، گرۋپپا باستىعى، گرۋپپا مۇشەلەرى قاتارلى دارەجە ءبولىسى ايقىن الدامكوستىك توپ بىرتىندەپ ايقىندالا تۇسكەن. حالىق ساقشىلارىنىڭ تانىستىرۋىنشا، الدامكوستەر مۇقيات قۇراستىرعان ”سەنەريالاردان“ پايدالانىپ، زياندالۋشىلارمەن جاعداي سۇراسۋدان تارتىپ جاقىنداپ، ونان سوڭ ”قارجىلاندىرۋدان“ تۇسەتىن پايدانى بارىنشا اسىرەلەيدى.

الدا – جالدا زياندالۋشىلاردىڭ كوڭىلى اۋسا، قىلمىس كۇماندىلارى جالعان قارجىلاندىرۋ جالعانىمىن ولارعا جولداپ، زياندالۋشىلاردى ۋيرتۆالدى اقشا ساتىپ الۋعا جانە جالعان تەكشە ارقىلى قارجىلاندىرۋعا شىرعالايدى. زياندالۋشىلار دوستاسۋ تۋرالى جالعان شىرعالاردىڭ، جالعان تەكشەلەردىڭ، تابىس تابۋ تۋرالى جالعان ۇگىتتەردىڭ جەتەگىندە بىرتە – بىرتە الدامكوستەردىڭ قۇرعان تۇزاعىنا ءتۇسىپ، اقشالارى الدامكوستەردىڭ قالتاسىندا كەتەدى.

قازىر اتالعان دەلوعا قاتىستى 20 نەشە ادام قىلمىستىق ىستەر بويىنشا قاماۋعا الىنعان، دۇڭشيحۋ ساقشى جاعى دەلونى زاڭ بويىنشا ىشكەرىلەي تەكسەرۋدە. (ورتالىق ساياسي – زاڭ كوميتەتىنىڭ چاڭ – انجيان تەكشەسى)

كەلۋ قاينارى: حالىق تورابى